अल्फाबेट र एनभिडियाले सुट्सकेभरको एसएसआईमा लगानी गरेको पुष्टि

३१ चैत, काठमाडौं ।अल्फाबेट र एनभिडियाले ओपनएआईका पूर्व प्रमुख वैज्ञानिक इल्या सुट्सकेभरले सह-स्थापना गरेको स्टार्टअप सेफ सुपरइन्टेलिजेन्स (एसएसआई) मा लगानी गरेका छन्। केही महिनाअघि मात्र स्थापना भएको यो स्टार्टअप छिट्टै नै उच्च मूल्यांकनमा पुगेको छ। यो जानकारी घटनासँग नजिकका स्रोतले दिएका हुन्।

कम्प्युटिङ शक्तिको ठूलो आवश्यकता पर्ने अत्याधुनिक कृत्रिम बौद्धिकता (एआई) विकास गरिरहेका स्टार्टअपमा ठूलो प्रविधि कम्पनी र इन्फ्रास्ट्रक्चर प्रदायकहरूको चासो बढ्दै गएको संकेत यो लगानीले दिएको छ। अल्फाबेटले आफ्नै एआई मोडेलहरू सञ्चालन गरिरहेको छ र यसै साता यसको क्लाउड कम्प्युटिङ शाखाले एसएसआई लाई आफ्नै एआई चिप्स — टेन्सर प्रोसेसिङ युनिट (टीपीयू) — बेच्ने सम्झौता घोषणा गरेको रोयटर्ले उल्लेख गरेको छ।

स्रोतका अनुसार ग्रीनओक्स नेतृत्वमा भएको लगानी चक्रमा एसएसआईको मूल्यांकन ३२ अर्ब डलर गरिएको थियो। सुट्सकेभरको एआई विकासमा भविष्य देख्ने क्षमताका कारण एसएसआई उच्च चर्चित स्टार्टअपमध्ये एक बनेको छ। अन्य प्रतिस्पर्धीहरूसँगै, एसएसआई लाई पनि चिप्सको ठूलो माग छ।

अल्फाबेट र एनभिडियाले एसएसआईमा कति लगानी गरे भन्ने ठ्याक्कै विवरण पत्ता नलागेको र यसको कारण यी तीनै कम्पनीका प्रवक्ताहरूले टिप्पणी गर्न अस्वीकार गरेका रोयटर्सले उल्लेख गरेको छ।

अल्फाबेटको कर्पोरेट र क्लाउड शाखाबाट एसएसआई र एन्थ्रोपिकजस्ता प्रमुख एआई प्रयोगशालाहरूसँगको सहकार्यले यसको एआई हार्डवेयर रणनीति कसरी परिवर्तन हुँदैछ भन्ने देखाएको छ।

गुगल ले सुरुमा टीपीयू आफ्नै प्रयोगका लागि मात्र राखेको थियो। एसएसआई लाई ठूलो मात्रामा टीपीयू बेच्ने सम्झौता, यसको सीमापार ग्राहकमा विस्तार गर्ने रणनीतिको उदाहरण हो भनी स्टार्टअपहरूसँगको साझेदारी हेर्ने गुगलका प्रबन्ध निर्देशक डेरेन मोवरीले यसै साता बताएका छन्।

“यी आधारभूत मोडेल निर्माणकर्ताहरूको लागि हाम्रोतिरको गुरुत्व बल तीव्र गतिमा बढ्दैछ,” उनले भने।

एआई विकासकर्ताहरूले ऐतिहासिक रूपमा एनभिडियाका जीपीयू (ग्राफिक्स प्रोसेसिङ युनिट) प्राथमिकता दिएका छन्, जसले एआई चिप्स बजारको ८० प्रतिशत भन्दा बढी हिस्सा ओगटेको छ।

तर एसएसआई ले हालसम्म जीपीयूभन्दा टीपीयू बढी प्रयोग गरिरहेको दुई स्रोतले बताएका छन्। गुगलले आफ्नो क्लाउड सेवा मार्फत एनभिडियाका जीपीयू र आफ्नै टीपीयू दुवै प्रदान गर्छ।

यसको आफ्नै चिप्स विशेष एआई कार्यहरूमा उत्कृष्ट मानिन्छन् र सामान्य जीपीयूभन्दा बढी प्रभावकारी हुन्छन्। यी चिप्स प्रयोग गरेर एप्पल र एन्थ्रोपिकजस्ता ठूला एआई मोडेलहरू बनाइएका छन्।

गुगल र एनभिडिया लाई अमेजनले प्रतिस्पर्धा दिइरहेको छ, जसले ट्रेनियम र इन्फरेन्सिया नामका आफ्नै प्रोसेसरहरू विकास गरिरहेको छ। अमेजनले सन् २०२३ मै एन्थ्रोपिकले ती चिप्समा आफ्ना प्रविधिहरू विकास गर्ने घोषणा गरिसकेको थियो। गत डिसेम्बरमा अमेजनले एन्थ्रोपिकले हजारौं अमेजन चिप्सले चल्ने ठूलो सुपरकम्प्युटरको पहिलो प्रयोगकर्ता हुने घोषणा गरेको छ।