दुर्गा प्रसाईंलाई विमान चढाइयो, काठमाडौं ल्याइँदै (भिडियोसहित)

प्रसाईं विहीबार भारतको आसाम राज्यमा फेला परेका थिए । उनलाई ल्याउन नेपाल प्रहरीको विशेष ब्यूरो र काठमाडौं उपत्यका अपराध अनुसन्धान कार्यालयको टोली भारत पुगेको थियो ।

१५ चैतमा तीनकुनेमा भएको राजावादी आन्दोलनका उनी मुख्य कमाण्डर हुन् । उनकै नेतृत्वमा भएको हिंसात्मक प्रदर्शनमा दुई जनाको ज्यान गएको थियो । सो घटनापछि प्रसाईं भागेर भारत पुगेका थिए ।

उनी यसअघि हतियारसहित सर्वोच्च अदालत परिसर छिर्न खोजेको आरोपमा पक्राउ परेका थिए ।