पत्रकार सुरेश रजकको परिवारले भेटे प्रधानमन्त्री

१८ चैत, काठमाडौँ । चैत्र १५ गते काठमाडौंको तीनकुनेमा भएको प्रदर्शनमा मृत्यु भएका पत्रकार सुरेश रजकको परिवारले प्रधानमन्त्रीसँग भेटेको छ।

सोमबार रजकको परिवारले बालुवाटारमा प्रधानमन्त्री केपी शर्मा ओलीसँग भेटेको हो।

भेटका क्रममा प्रधानमन्त्री ओलीले घटनाप्रति गहिरो दुःख व्यक्त गर्दै उनले घटनाको छानबिन गरी कडा कारबाही गरिने बताए। उनले सुरेशको दाहसंस्कार गर्न पनि परिवारजनलाई आग्रह गरे। सुरेशकी धर्मपत्नीलाई रोजगारीको पनि व्यवस्था गरिने पनि बताए।

भेटमा सुरेशकी धर्मपत्नी सुजन रजक, दाइहरू रमेश रजक र दिनेश रजक लगायत थिए।