सिटिजन्स बैंकको अगुवाइमा तेस्रो पक्ष भण्डारण सेवाको वित्त व्यवस्थापन

११ चैत, काठमाण्डौं । सिटिजन्स इन्टरनेसनल बैंकल तेश्रो पक्ष वित्त व्यवस्थापन परियोजना सुरु गरेको छ । सिटिजन्स बैंक इन्टरनेसनले माछापुछे बैंक र अन्य दई बैंक सँगको सहकार्यमा नेपालमै पहिलो पटक उक्त परियोजना सुरुगरेको हो । ९५ करोड रुपैयाँ ऋण लगानीमा परियोजना सुरु हुने भएको छ ।

आइतबार प्रवधक कम्पनी उपाय वयरहाउजिङ र लगानीकर्ता बैंकहरु बिच वित्तीय व्यवस्थापनका लागि सहवित्तीयकरण कर्जा व्यवस्थापन भएको छ । उक्त परियोजना बाग्मती प्रदेश, काभ्रेपलान्चोक जिल्ला, बनेपा नगरपालिका, नासीका स्थान सांगामा निर्माण हुनेछ ।

परियोजनाको अनुमानित लागत करीब १ अर्ब २० करोड ७ लाख रुपैयाँ मध्ये बैंकहरुले ८५ करोड रुपैयाँ बराबरको आवधिक कर्जा (निर्माण अवधिको व्याज बाहेक)बढीमा ८०ः२० को ऋण स्वपुजी रहने गरि लगानी गर्नेछन् । यसमध्ये सिटिजन्स बैंकबाट ६० करोड रुपैयाँ (आवधिक कर्जा) ५० करोड रुपैयाँ बैंक ग्यारेण्टी सुविधा ५ करोड रुपैयाँ, क्यास क्रेडिड कर्जा ५ करोड रुपैयाँ र माछापुच्छ्रे बैँकबाट ३५ करोड रुपैयाँ (आवधिक कर्जा) लगानी हुनेछ भने बांकी स्वपुँजी प्रवद्र्धकहरुबाट जुटाइने छ । परियोजनाले आगामी दुई वर्ष भित्र निर्माण सम्पन्न गरी भण्डारण सेवा प्रदान गर्ने लक्ष्य लिएको छ ।

सहवित्तीयकरण कर्जा सम्झौता हस्ताक्षर कार्यक्रमलाई संवोधन गर्दै सिटिजन्स बैँकका प्रमुख कार्यकारी अधिकृत गणेश राज पोखरेलले सिटिजन्स बैंकले स्थापनाकाल देखिनै एकल लगानीका साथै आफ्नो अगुवाई, सह अगुवाई तथा अन्य बैंकहरुसँगको सहवित्तीयकरण कर्जा मार्पत जलविद्युत, हरित उर्जा, अस्पताल, उत्पादन तथा अन्य क्षेत्रमा उल्लेख्य रुपमा लगानी गर्दै आएको बताएका छन् । प्रवद्र्धक कम्पनी उपाय वयरहाउजिङ्ग प्रालिका तर्फबाट अध्यक्ष सुमन रायमाझीले आगामी दुई वर्ष भित्र परियोजना निर्माण सम्पन्न गरी तेस्रो पक्ष भण्डारण सेवा, प्याकेजिङ सेवा, कार्यालय सामाग्रीको आपुर्ती तथा प्रबन्ध सेवा, लेवालिङ सेवा, ढुवानी सेवा तथा अन्य सम्पुर्ण सेवाहरु प्रदान गरिने बताए । कम्पनीले आवश्यक सरकारी सरोकारवाला निकायहरुमा गर्नुपर्ने सबै कानूनी प्रक्रिया पुरा गरेर आयोजना निर्माण शुरु गरि समयमै सम्पन्न हुने विश्वास व्यक्त गरेका छन् ।

विश्वकै प्रतिष्ठित अवार्ड ‘बैंक अफ द ईयर २०२४’ को उपाधि प्राप्त गर्न सफल भएको बैंकले केही समय अघि मात्र फोनपेसँगको सहकार्यमा नेपालमै पहिलो पटक “सिटिजन्स फोनपे क्रेडिट कार्ड” (भर्चुअल क्रेडिट कार्ड) सञ्चालनमा ल्याएको छ । साथै नेपालमै पहिलो पटक मोबाइल बैंकिङ एप मार्फत नै शेयर आवेदन र सीआरएन् नम्बर सेवा लिन सकिने सुबिधा पनि ल्याएको छ । सिटिजन्स बैंकले देशैभरी ६१ जिल्लामा फैलिएका आफ्ना २०० वटा शाखा, १६७ वटा एटिएम, ३ विस्तारित काउन्टर र ७४ वटा शाखा रहित बैंकिङ्ग ईकाइहरुबाट १८ लाख ५० हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।