२६ फागुन, काठमाडौं । सरकारले आन्तरिक रोजगार प्रवर्द्धन दशक घोषणा गरेको छ ।
श्रम, रोजगार तथा सामाजिक सुरक्षा मन्त्रालयले सोमबार आयोजना गरेको पाँचौं राष्ट्रिय श्रम तथा रोजगार सम्मेलनको दौरान प्रधानमन्त्री केपी शर्मा ओलीले आन्तरिक रोजगार प्रवर्द्धन दशक घोषणा गरेका हुन् ।
कार्यक्रममा श्रम, रोजगार तथा सामाजिक सुरक्षा मन्त्रालय र विभिन्न रोजगारदाता निकायबीच समझदारी–पत्रमा हस्तान्तर गरिएको थियो ।
सरकार तथा नेपाल होटल व्यवसायी संघ, नाडा अटोमोबाइल एसोसिएसन, गार्मेट एसोसिएसन नेपाल, नेपाल निर्माण व्यवसायी महासंघ, नेपाल सुनचाँदी व्यवसायी महासंघ लगायतबीच समझदारी–पत्रमा हस्ताक्षर भएको हो ।
यससँगै आन्तरिक रोजगारीको ढोका खुलेको सरकारको भनाइ छ ।
+ There are no comments
Add yours