माछापुच्छ्रे बैंकको म्युचुअल फन्डमा आवेदन खुल्यो

२२ फागुन, काठमाडौं । माछापुच्छ्रे बैंकको कोष प्रवद्र्धनमा सञ्चालन हुने एमबीएल इक्वीटी फन्डमा आवेदन खुलेको छ ।

कुल १२ करोड इकाइ फन्ड निष्कासन हुन लागेको हो । जसमा कोष प्रवद्र्धक बैंक, योजना व्यवस्थापक माछापुच्छ्रे क्यापिटललाई छुट्याएपछि बाँकी १० करोड २० लाख इकाइ सार्वजनिक रुपमा निष्कासन गरिएको छ ।

अंकित मूल्य १० रुपैयाँ रहने म्युचुअल फन्डमा न्यूनतम १ सय इकाइका लागि आवेदन दिन सकिनेछ । बन्दमुखी यस योजना बजारमा सूचीकृत भइ कारोबार समेत हुनेछ ।

अनलाइन प्रणाली मेरोसेयरमार्फत आवेदन दिन सकिनेछ । छिटोमा फागुन २६ गते र सो अवधिसम्म सबै इकाइ बिक्री नभएमा चैत ७ गतेसम्म आवेदन दिन सकिनेछ ।