फेसबुक मेसेन्जरको लोगो फेरिए छ

१६ फागुन काठमाडौँ । मेटाको मेसेजिङ एप मेसेन्जरले आफ्नो चर्चित फ्ल्याट ब्लु लोगो पुनः ल्याएको छ। पछिल्लो अपडेटसँगै एप आफ्नो पुरानो स्वरूपमा फर्किएको हो ।

सन् २०२० को अन्त्यतिर मेसेन्जरले ठूलो डिजाइन परिवर्तन गर्दै गुलाबी, बैजनी र ब्लु रंगको ग्रेडियन्ट प्रयोग गरेको थियो, जुन इन्स्टाग्रामको रंग संयोजन जस्तै देखिन्थ्यो ।

उक्त परिवर्तन मेटाले आफ्ना विभिन्न प्लेटफर्महरूलाई दृष्टिगत रूपमा एकरूप बनाउने प्रयास अन्तर्गत गरेको थियो ।

मेसेन्जरमा देखिएको नयाँ परिवर्तन स्थायी हो वा ठूलो डिजाइन परिवर्तनको एउटा भाग मात्र हो भन्ने खुल्न बाँकी छ । जे हाेस्, पुराना मेसेन्जर प्रयोगकर्ताहरूले क्लासिक ब्लु डिजाइनको पुरानो स्मृति पुनः अनुभव गर्न पाएका छन् ।