राष्ट्र बैंकको निर्देशन विपरित रहेको नेपाल पे टाइमको लाइसेन्स नवीकरण खारेज

०९ फागुन, काठमाडौं । राष्ट्र बैंकले निर्देशन विपरित रहेको भन्दै भूक्तानी सेवा प्रदायक नेपाल पे टाइमको लाइसेन्स नवीकरण खारेज गरिदिएको छ । राष्ट्र बैंकले जारी गरेको नीति निर्देशन, निर्देशिका अनुसार नचलेको र अनुमति लिए अनुसारको सेवा समेत नियमिति नगरेको भन्दै बैंकले नवीकरण खारेज गरिदिएकोगरेको हो ।

नेपाल पे टाइमले प्रदान गरेको सेवा लामो समयदेखि बन्द रहेको तथा सेवा प्रवाहका लागि प्रयोग हुने वालेटको एप प्ले स्टोर र एप स्टोरमा नरहेको, संस्थाको संस्थागत सुशासनको अवस्था कमजोर रहेको र केन्द्रीय बैंकबाट दिइएका निर्देशनहरूको कार्यान्वयनका लागि प्रतिवद्धताअनुसार कार्य अघि नबढाएको राष्ट्र बैंकले जनाएको छ ।

कम्पनीले २०७६ भदौ १९ गते राष्ट्र बैंकबाट भुक्तानी सेवा प्रदायकको अनुमतिपत्र (लाइसेन्स) लिएको थियो । राष्ट्र बैंकले सार्वजनिक सूचना जारी गर्दै भुक्तानी उपकरणहरू प्रयोग गर्ने ग्राहकहरूको संस्थासँग कुनै लेनदेन बाँकी रहेको भए चैत ९ गतेभित्र सम्बन्धित संस्थामा सम्पर्क गर्न समेत आग्रह गरेको छ ।