आइतबार २०० रुपैयाँले घट्यो सुनको भाउ

१३ माघ, काठमाडौँ । आइतबार सुन प्रतितोला २०० रुपैयाँले घटेको छ । शुक्रबार प्रतितोला एक हजार रुपैयाँले बढेको सुनको भाउ आइतबार २०० रुपैयाँले घटेको हो ।

नेपाल सुनचाँदी व्यवसायी महासंघका अनुसार आइतबार छापावाला सुन एक लाख ६० हजार ४०० रुपैयाँमा कारोबार भइरहेको छ । शुक्रबार छापावाला सुन एक लाख ६० हजार ६०० रुपैयाँमा कारोबार भएको थियो ।

यस्तै आइतबार चाँदी १ हजार ८६५ रुपैयाँमा कारोबार भइरहेको छ । शुक्रबार चाँदी १ हजार ८८० रुपैयाँमा कारोबार भएको थियो ।

नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ । आइतबार अन्तर्राष्ट्रिय बजारमा सुन प्रतिऔंस २ हजार ७७१.७३ अमेरिकी डलर र चाँदी प्रतिऔंस ३०.६४ डलरमा कारोबार भइरहेको छ ।