कट्टुमै ट्रम्पको शपथमा पुगे यी सिनेटर

०८ माघ, एजेन्सी । यूएस क्यापिटलमा डोनाल्ड ट्रम्पको दोस्रो कार्यकालको शपथ समारोहमा सहभागी हुन पाहुनाहरु जम्मा भइरहेका थिए। यसपटक १९८५ यता पहिलोपटक शपथ समारोह भित्र हुँदैथियो।

अतिथिहरुमा बिल क्लिन्टन, इलोन मस्क, टिम कुक, मार्क जकरबर्ग, जो रोगनलगायत थिए । ट्रम्पका केही मन्त्रीहरु पनि पुगिसकेका थिए ।

तर, थुप्रैको नजर भने एक सिनेटरमा पर्यो । जसले कट्टु र स्वेट सर्ट लगाएका थिए ।

उनी पेन्सलभेनियाका सिनेटर जोन फेटरम्यान। उनी डेमोक्र्याटिक पार्टीका हुन्।ट्रम्पले चुनाव जितेपछि उनलाई भेट्ने पहिलो डेमोक्र्याटिक सिनेटर उनी नै थिए।