आइतबार घट्यो सुनको भाउ

०६ माघ, काठमाडौँ । सुनको भाउ साताको पहिलो कारोबार दिन आइतबार घटेको छ । शुक्रबार १३ सय रुपैयाँले बढेको सुन आज ८०० रुपैयाँले घटेको हो ।

नेपाल सुनचाँदी व्यवसायी महासंघका अनुसार आइतबार छापावाला सुन एक लाख ५७ हजार १०० रुपैयाँमा कारोबार भइरहेको छ । शुक्रबार छापावाला सुन एक लाख ५७ हजार ९०० रुपैयाँमा कारोबार भएको थियो ।

यस्तै आइतबार चाँदी १ हजार ८६० रुपैयाँमा कारोबार भइरहेको छ । शुक्रबार चाँदी १ हजार ८९० रुपैयाँमा कारोबार भएको थियो ।

नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ । आइतबार अन्तर्राष्ट्रिय बजारमा सुन प्रतिऔंस २ हजार ७०३.२ अमेरिकी डलर र चाँदी प्रतिऔंस ३०.४ डलरमा कारोबार भइरहेको छ ।