साना बालबालिकाले हलमा प्रवेश नपाउने

०३ माघ, काठमाडौँ । क्युएफएक्स अन्तर्गत रहेका चलचित्र हलमा २.५ फिटभन्दामुनिका बालबालिकाले प्रवेश नपाउने भएका छन् । क्युएफएक्सबाट बुधबार जारी गरिएको सूचनामा सो उचाइभन्दा अग्ला वृद्धदेखि बालकसम्मका दर्शकलाई तोकिएको दरमा टिकट वितरण हुने जनाइएको छ ।

२.५ फिटभन्दामुनिका बालबालिकालाई हलभित्र प्रवेश निषेध गरिएको क्युएफएक्सका बजार प्रमुख सुलभ कक्षपतिले बताउनुभयो । उहाँले बालबालिकाको स्वास्थ्य र हलभित्रको मनोरञ्जनको वातावरणलाई ख्याल गरेर प्रवेशमा रोक लगाइएको बताउनुभयो । हलभित्र हुने हावाको समस्या, अँध्यारो वातावरण र अन्य दर्शकबाट मनोरञ्जनको वातावरण नभएको गुनासो गर्दा साना बालबालिकालाई प्रवेशमा रोक लगाइएको पनि उहाँले बताउनुभयो ।