वाइफाइ नेपालको बम्पर विजेता घोषणा, सिमराका विशालले जिते स्कुटर

२४ पुस, वीरगञ्ज । बाराको सिमराका विशाल नेपाल वाइफाइ नेपालले दशैंको अवसरमा सञ्चालन गरेको दुई महिने बम्पर उपहार योजनाको विजेता बनेका छन् । विजेता बनेसँगै उनले सुजुकी एभेनिस स्कुटर पाएका छन् ।

वाइफाइ नेपालले दशैंको अवसरमा ‘दशैंको बहार खल्तीबाट पेमेन्ट गर्दा स्कुटर उपहार’ शीर्षकमा दुई महिने अभियान सञ्चालन गरेको थियो ।

योजनाका विजेता विशालको अनुपस्थितिमा उनकी आमा मिना नेपाललाई वाइफाइ नेपालका ब्रान्ड एम्बेसडर एवम् क्रिकेटर पारस खड्काले स्कुटर हस्तान्तरण गरेका हुन् ।

यो अभियानमा खल्ती डिजिटल वालेटले भुक्तानी साझेदारको रूपमा सहकार्य गरेको थियो ।

वीरगञ्जमा नयाँ शाखाको उद्घाटन

वाइफाइ नेपालले वीरगञ्जमा नयाँ शाखा विस्तार गरेको छ ।

वीरगञ्जमा नयाँ शाखा विस्तार भएसँगै नेपालभर भरपर्दो र किफायती इन्टरनेट सेवा पुर्‍याउने प्रतिबद्धतालाई अघि बढाएको कम्पनीले जनाएको छ।

नेपालमा इन्टरनेट पहुँच र डिजिटल सुविधा थप प्रभावकारी बनाउने आफ्नो प्रतिबद्धता अनुसार नै वीरगञ्जमा नयाँ शाखा विस्तार गरिएको कम्पनीले जनाएको छ।