सुनकाे मूल्य ६ सयले घट्याे, कतिमा हुँदैछ कारोबार ?

१६ पुष, काठमाडौं । नेपाली बजारमा आज सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ६०० रुपैयाँले घटेको हो ।

महासंघका अनुसार आज सुनको मूल्य तोलामा १ लाख ४९ हजार ६०० रुपैयाँमा कारोबार भइरहेको छ । अघिल्लाे दिन सुनको मूल्य तोलामा १ लाख ५० हजार २०० रुपैयाँमा कारोबार भएको थियो ।

साथै, चाँदीको मूल्य पनि घटेको छ । आज चाँदी २५ रुपैयाँले घटेर तोलाको १ हजार ७६५ रुपैयाँमा कारोबार भइरहेको महासंघले जनाएको छ ।