एनपीएलमा आज दुई खेल हुँदै

१९ मंसिर, काठमाडौं । नेपाल प्रिमियर लिग (एनपीएल)मा आज दुई खेल हुँदै छन् ।

कीर्तिपुरस्थित त्रिवि क्रिकेट मैदानमा आज कर्णाली याक्स, काठमाडौं गुर्खाज, लुम्बिनी लायन्स र विराटनगर किंग्सबीच खेल हुनेछन् ।

पहिलो खेल कर्णाली याक्स र काठमाडौं गुर्खाजबीच हुने छ । दुई टोलीबीचको खेल बिहान सवा ९ बजे शुरू हुनेछ ।

दुवै टोली पहिलो जितको खोजीमा हुनेछन् । यसअघि एक/एक खेल खेलेका दुवै टोलीले पराजय भोगेका छन् ।

दोस्रो खेलमा लुम्बिनी लायन्स र विराटनगर किंग्स भिड्ने छन् । यी दुई टोलीबीचको खेल दिउँसो सवा १ बजे शुरू हुनेछ ।

लुम्बिनी पहिलो खेल खेल्न लागेको हो भने विराटनगर भने तेस्रो खेल खेल्दै छ । यसअघि भएका दुवै खेलमा विराटनगरले पराजय भोगेको थियो ।