एनपीएलको टिकटदर सार्वजनिक

१० मंसिर, काठमाडाैं । आगामी मंसिर १५ गतेबाट सुरु हुने नेपाल प्रिमियर लिग (एनपीएल) को टिकटदर सार्वजनिक भएको छ ।

नेपाल क्रिकेट संघ (क्यान) ले सोमबार साँझ एनपीएलको टिकटदर सार्वजनिक गरेको हो ।

जसअनुसार एनपीएलको सुरुवाती दिन उद्घाटन खेलका लागि सामान्यका लागि ३ सय र भीआईपीका लागि ७ सय तोकिएको छ ।

त्यस्तै लिग खेलका लागि सामान्य ३ सय र भीआईपीका लागि ५०० रुपैयाँ तोकिएको छ ।

क्यानका अनुसार प्लेअफ खेलका लागि दिन सामान्यतर्फ ५ सय र भिआईपी तर्फका लागि ५ सय र फाइलनका लागि सामान्यतर्फ ५ सय र भिआईपीतर्फ एक हजार टिकट दर तोकिएको छ ।

त्यस्तै सिजनल पासका लागि सामान्यतर्फ ४ हजार ४८० र भिआइपीतर्फका लागि ८ हजार २४० रुपैयाँ तोकिएको छ ।

खल्ती एपबाट टिकट खरिद गर्न सकिनेछ । आज प्रधानमन्त्री केपी शर्मा ओलीले एनपीएलको ट्रफी अनावरण गरेका छन् । प्रधानमन्त्री ओलीले सुन्धारास्थित धरहरामा पुगेर ट्रफी अनावरण गरेका हुन् ।