४० लाख बढीको धनमाल चोरेको आरोपमा एक जना पक्राउ

०९ मंसिर, काठमाडौं। प्रहरीले ४० लाख ७९ हजार ८८० मुल्‍य बराबरको धनमाल चोरी गरेको आरोपमा एकजनालाई पक्राउ गरेको छ ।

पक्राउ पर्नेमा महोत्तरीको सोनमा गाउँपालिका-७ सुन्दरका १९ वर्षीय सौखत अन्सारी रहेका छन् ।

उनको साथबाट प्रहरीले सुनको गरगहना (सिक्री, औठी, हातको बालासमे) रहेको १२.६ तोला तथा २४८ ग्राम चाँदीका गरगहना, सामसुङ कम्पनीको २ वटा मोबाइल,

क्यानन कम्पनीको ८० डी मोडलको क्यामरा बरामद गरेको छ । यस्तै ४१५ अमेरिकन डलर, ३५ अष्ट्रेलियन डलर, ५ युएइ दिराम, २० रुपैयाँ भारू, लगायतका सामानहरू बरामद गरेको प्रहरीले जनाएको छ ।

पक्राउ परेका उनलाई थप अनुसन्धानका लागि जिल्ला प्रहरी परिसर काठमाडौं पडाइएको प्रहरीले जनाएको छ ।