जागिर छाडेका कार्यालय सहयोगी सई बनेर ठगी

०४ असोज, काठमाडौं। एक वर्षअघि नै प्रहरीको कार्यालय सहयोगीबाट जागिर छाडेका एक व्यक्तिले आफू प्रहरीको सई भन्दै ठगी गरेको खुलेको छ ।

उनले सई बताउँदै मान्छे पक्राउ गरिदिने भनेर ठगी गरेको खुलेको छ ।

ठगी आरोपमा पूर्वकार्यालय सहयोगी तथा नक्कली सई खोटाङको जन्तेढुंगा गाउँपालिका–३ घर भइ काठमाडौं बस्दै आएका २९ वर्षीय गोविन्द श्रेष्ठ पक्राउ परेका छन् ।

उनले चेक बाउन्स मुद्दाका फरार प्रतिवादी सरिता तामाङलाई पक्राउ गरिदिने भन्दै १५ हजार रुपैयाँ लिएर ठगी गरेको खुलेको छ ।

श्रेष्ठले आफू नेपाल प्रहरीको सई भएको बताउँदै तामाङलाई पक्राउ गरिदिने र त्यसका लागि १५ हजार चाहिने भन्दै ठगी गरेको आरोप छ ।

तामाङले आशिका वाईवा नाम गरेकी महिलालाई ४ लाख रुपैयाँ दिनुपर्नेमा ४ लाखको चेक दिएका थिए । तर उक्त चेक बाउन्स भएपछि वाइवा जाहेरी लिएर जिल्ला प्रहरी परिसर काठमाडौं पुगेकी थिइन् । त्यही बेला श्रेष्ठले आफू सई भएको बताउँदै ठगी गरेको खुलेको हो ।

पक्राउ परेका श्रेष्ठ २०७३ देखि २०८० सालम्म प्रहरी कार्यालय सहयोगीमा जागिर खाएका थिए । काठमाडौं उपत्यका ट्राफिक कार्यालयमा रहेका बेला उनले जागिर छाडेको खुलेको छ ।

• भर्चुअल श्राद्ध किन गर्नु हुँदैन हाम्रो वैदिक शास्त्रले के भनेको छ
• आगामी तीन दिनको मौसम : यी प्रदेशहरूमा मेघगर्जन र चट्याङ्गसहित बर्षाको सम्भावना
• आज – ०४ आश्विन २०८१ शुक्रवार को राशिफल
• यज्डी मोटरसाइकलको दशैं-तिहार लक्षित अफर सार्वजनिक
• ‘बेहुली फ्रम मेघौली’को ट्रेलर : विवाहको दबाब छल्न ट्रयाक्टर लिएर भाग्ने केटीको कथा