भ्वाइस अफ नेपालको छैटौं सिजनको फिजिकल अडिसनलाई छानिए १२० प्रतियोगी

१८ भदाै, काठमाडौं । गायन रियालिटी शो ‘भ्वाइस अफ नेपाल’को छैटौं सिजन सुरु भएको छ । यतिबेला ब्लाइन्ड अडिसनका लागि १२० जना प्रतियोगी छनोट भएका छन् । निर्देशक लक्ष्मण पौडेलले यसपटक उत्साहजनक सहभागिता पाइएको बताए ।

उनका अनुसार डिजिटल अडिसनमा ४० हजार आवेदन आएका थिए । जसबाट दुई हजार जनाले फिजिकल अडिसनमा भाग लिए । तीमध्येबाट १२० जना ब्लाइन्डमा छानिए । यसबाट पनि ब्याटलमा ६४ जनाले प्रतिस्पर्धा गर्नेछन् ।

‘जुन सहभागिता देखिएको छ, यसले दर्शकमाझ भ्वाइसको क्रेज रहेको पुष्टि गर्छ,’ निर्देशक पौडेलले भने, ‘अहिले फिजिकल अडिसनबाट ब्लाइन्डमा १२० छानिएका छन् । दशैंअघि ब्याटलका लागि बाँकी छनोट हुन्छन् ।’

एउटा कोचमा १६ जना प्रतियोगी समावेश हुने पौडेलले बताए । कोच र नयाँ सिजनका नयाँ नियमबारे भने अहिल्यै निधो भइनसकेको उनले बताए । गत महिना मात्र भ्वाइस किड्सको सिजन ३ ले अनुया तामाङलाई विजेताको रुपमा पाएको थियो ।

भ्वाइस अफ नेपालको छैटौं सिजनको प्रसारण दशैंपछि मात्र गर्ने तयारी छ । यो कार्यक्रम हिमालय टिभीमा प्रसारण हुनेछ ।

• भर्चुअल श्राद्ध किन गर्नु हुँदैन हाम्रो वैदिक शास्त्रले के भनेको छ
• आगामी तीन दिनको मौसम : यी प्रदेशहरूमा मेघगर्जन र चट्याङ्गसहित बर्षाको सम्भावना
• आज – ०४ आश्विन २०८१ शुक्रवार को राशिफल
• यज्डी मोटरसाइकलको दशैं-तिहार लक्षित अफर सार्वजनिक
• ‘बेहुली फ्रम मेघौली’को ट्रेलर : विवाहको दबाब छल्न ट्रयाक्टर लिएर भाग्ने केटीको कथा