केरामा पाइने यी ४ भिटामिन जसले छालालाई चम्किलो बनाउँछ

१७ भदाै, काठमाडौँ । केराको सेवनले तपाईंलाई ऊर्जा मात्र दिँदैन, यो छाला र कपालको लागि पनि एक चमत्कारी फल हो । यो खानमा स्वादिलो हुनुका साथै पौष्टिक तत्त्वले भरिपूर्ण हुन्छ ।

भिटामिन र मिनरल्सले भरिपूर्ण यो फलले छालालाई चम्किलो बनाउन मद्दत गर्छ। यसको सेवन गरेर तपाईं स्वस्थ छाला प्राप्त गर्न सक्नुहुन्छ वा तपाईं यसलाई आफ्नो अनुहारमा पनि लगाउन सक्नुहुन्छ। आखिर केरामा के छ जसले छालालाई सुन्दर बनाउन मद्दत गर्छ ?

विज्ञका अनुसार केरामा ४ वटा भिटामिन पाइन्छ जसले छालालाई चम्किलो बनाउन महत्त्वपूर्ण भूमिका खेल्छ । केरामा रहेको भिटामिन ए, बी, सी र ईले तपाईंको अनुहारमा अद्भुत चमक ल्याउन सक्छ।

भिटामिन ए ले तपाईंको छालाको चाउरी र फाइन लाइनहरू कम गर्दछ। भिटामिन सीले तपाईंको छालालाई चम्किलो बनाउँछ र तपाईंको छालाको टोनलाई पनि राम्रो बनाउँछ।

भिटामिन बी समूहले तपाईंको छालाबाट डन्डीफोर हटाउँछ। केरामा प्रचुर मात्रामा भिटामिन बी–६ पाइन्छ, जसले छालालाई स्वस्थ राख्छ ।

यदि तपाईंको छाला सुख्खा छ भने केरा यसको उपचार हो । केराले तपाईंको छालालाई हाइड्रेटेड राख्छ। यो तपाईंको प्राकृतिक मोइस्चराइजर हो, जसले छालामा चमक ल्याउने काम गर्छ।

तपाईं आफ्नो छाला उज्यालो बनाउन केराको मास्क पनि लगाउन सक्नुहुन्छ। केराको मास्क लगाउने वा केरामा आधारित स्किनकेयर उत्पादनहरू प्रयोग गर्दा पनि छालालाई स्वस्थ र चम्किलो बनाउन सकिन्छ।