१२ भदाै, काठमाडाैं । कुमारी क्यापिटल लिमिटेडको छैठौं वार्षिक साधारणसभा आह्वान गरेको छ । कम्पनीको भदौ १० गते बसेको सञ्चालक समितिको बैठकले असोज ३ गते सभा बोलाएको हो । सभा काठमाण्डौको टंगालस्थित कुमारी बैंकको कार्यालयमा साँझ ५ बजेबाट बस्ने छ ।
सभाले प्रस्तावित चुक्तापूँजीको १५ प्रतिशत लाभांश नगद लाभांश (करसहित) वितरण प्रस्ताव पारित गर्नेछ ।
साथै सभाले आर्थिक वर्ष २०८०।८१ को सञ्चालक समितिको वार्षिक र लेखापरीक्षकको प्रतिवेदन सहित गत आवको वासलात, नाफा नोक्सान हिसाब तथा सोही अवधिको नगद प्रवाह विवरण लगायतका वित्तीय विवरणहरु छलफल गरी पारित गरिनेछ ।
सभामा चालु आवका लागि लेखापरीक्षकको नियुक्ती तथा स्वतन्त्र सञ्चालकको नियुक्ती लगायत विषयमा छलफल हुने छ ।
+ There are no comments
Add yours