आइतबार प्रतितोला ३ हजार रुपैयाँले बढेसँगै सुनको भाउले बनायो नयाँ रेकर्ड

०२ भदाै, काठमाडाैं । आइतबार छापावाला सुनको भाउले नयाँ रेकर्ड कायम गरेको छ । आइतबार प्रतितोला ३००० रुपैयाँ बढेसँगै सुनको भाउ नयाँ उचाइमा पुगेको हो ।

नेपाल सुन चाँदी व्यवसायी महासंघका अनुसार आइतबार छापावाला सुनको भाउ १ लाख ५२ हजार ६०० रुपैयाँमा कारोबार भइरहेको छ ।

यसअघि साउन २९ गते १ लाख ५० हजार ८०० रुपैयाँ पुगेर सुनको भाउले रेकर्ड कायम गरेको थियो । शुक्रबार छापावाला सुनको भाउ प्रतितोला १ लाख ४९ हजार ६०० रुपैयाँमा कारोबार भएको थियो ।

यस्तै, शुक्रबार चाँदी १ हजार ८१० रुपैयाँमा कारोबार भइरहेको छ । शुक्रबार चाँदी १ हजार ७६० रुपैयाँमा कारोबार भएको थियो । आइतबार चाँदीले पनि नयाँ रेकर्ड कायम गरेको हो ।

अन्तर्राष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ । अन्तर्राष्ट्रिय बजारमा आइतबार सुन प्रतिऔंस सुन २ हजार ५०८ दशमलव १८ डलरमा कारोबार भइरहेको छ भने प्रतिऔंस चाँदी २९ डलरमा कारोबार भइरहेको छ ।

• भर्चुअल श्राद्ध किन गर्नु हुँदैन हाम्रो वैदिक शास्त्रले के भनेको छ
• आगामी तीन दिनको मौसम : यी प्रदेशहरूमा मेघगर्जन र चट्याङ्गसहित बर्षाको सम्भावना
• आज – ०४ आश्विन २०८१ शुक्रवार को राशिफल
• यज्डी मोटरसाइकलको दशैं-तिहार लक्षित अफर सार्वजनिक
• ‘बेहुली फ्रम मेघौली’को ट्रेलर : विवाहको दबाब छल्न ट्रयाक्टर लिएर भाग्ने केटीको कथा