Nepal's No. 1 Digital Newspaper

कोरोना सन्त्रासका कारण बन्द बुद्ध जन्मस्थल लुम्बिनी क्षेत्र पर्यटकका लागि खुला

०३ मंसिर, बुटवल । कोरोना सन्त्रासका कारण लकडाउनसँगै बन्द भएको बुद्ध जन्मस्थल लुम्बिनी क्षेत्र बुधबारदेखि पर्यटकका लागि खुला गरिएको छ ।

लुम्बिनी बिकास कोषका योजना प्रमुख सरोज भट्टराईका अनुसार पर्यटकीय स्थलहरु खुला गर्ने सरकारको निर्णय गरेसँगै कोषको पदाधिकारी स्तरीय बैठकले लुम्बिनी क्षेत्र खुल्ला गर्ने निर्णय गरेको हो ।

Order Now: 98510-87891

कोरोना जोखिमका कारण चैत्र ११ गतेदेखि लुम्बिनी क्षेत्र बन्द गरिएको थियो ।

यस्तो निर्णयसँगै अब पर्यटकहरु मायादेवी मन्दिर परिसरमा रहेका अशोक स्तम्भ, पुष्करिणी पोखरी र बगैचा लगायतका स्थानहरुमा घुम्न सक्नेछन् ।

लुम्बिनी क्षेत्र खुल्ला गरिएपनि मायामादेबि मन्दिर भने अझै खुल्ला गरिएको छैन् । योजना प्रमुख भट्टराईले तत्कालका लागि मन्दिर खुल्ला गर्ने निर्णय भने नभएको बताउनुभयो ।

उहांका अनुसार लुम्बिनी क्षेत्र घुम्नेहरुका लागि स्वास्थ्य सुरक्षा मापदण्ड अनिवार्य गरिएको छ । पर्यटकहरुले अनिवार्य रुपमा मास्क लगाउनुपर्ने छ ।

बिभिन्न स्थानहरुमा ज्वरो नाप्ने,हातमुख धुने लगायतका ब्यवस्था गरिएको छ । सुरक्षाकर्मी र कोषका कर्मचारीहरुले स्वास्थ्य सुरक्षा मापदण्डबारे निगरानी गर्नेछन् ।

कोषले कोरोना संक्रमणबाट जोगिन र सजगता अपनाउनका लागि पर्यटक बोक्ने ट्याक्सी तथा रिक्साहरुलाई सुरक्षा तालीम दिएको छ ।

लुम्बिनी क्षेत्रका होटल तथा पर्यटन ब्यवसायीहरुले लुम्बिनी क्षेत्र खुल्ला गर्न पटक पटक माग गर्दै आएका थिए ।

पर्यटकहरुलाई आकर्षित गर्न लकडाउनकै अवधिमा लुम्बिनी क्षेत्रमा सरसफाई गरेर चिटिक्क पारिएको छ ।


तपाईको सूचना, हाम्रो समाचार

भ्रस्टाचार, अनियमितता सम्बन्धी र अन्य कुनै सूचना भिडियो तपाईसंग छ भने हामीलाई उपलब्ध गराउनुहोस र एउटा जिम्मेवार नागरिकको दायित्व पुरा गर्नुहोस ।“श्रोत गोप्य राखिने छ ।” [email protected]

Be the First to Advertise Us


Comments

comments

- Advertisement -

Leave A Reply

Your email address will not be published.