Nepal's No. 1 Digital Newspaper

कोरोना भाइरसबाट बाट २ लाख ७६ हजार २१५ को मृत्यु, रुसमा थप १० हजार संक्रमित

२७ बैशाख, काठमाडौं । कोरोना भाइरस (कोभिड–१९) को संक्रमणका कारण ज्यान गुमाउनेको संख्या २ लाख ७६ हजार २१५ पुगेको छ । शनिबार बिहासम्म सबैभन्दा धेरै अमेरिकामा ७८ हजार ६१५ जनाले ज्यान गुमाएका छन् ।

बेलायतमा ३१ हजार २४१, इटलीमा ३० हजार २०१, स्पेनमा २६ हजार २९९, फ्रान्समा २६ हजार २३० जनाको कोरोनाका कारण ज्यान गइसकेको छ ।

१३ लाख ८५ हजार १२३ कोरोना संक्रमित निको भइकेका छन् । २३ लाख ५१ हजार ४३२ संक्रमित उपचाररत छन् । यसमध्ये ४८ हजार ६९९ कोरोना संक्रमितको अवस्था गम्भीर रहेको छ ।

Order Now: 98510-87891

मस्को । रूस विगत २४ घण्टामा १० हजार व्यक्तिमा कोरोना भाइरस सङ्क्रमण भएको शुक्रबार पुष्टि गरेको छ । रूसमा शुक्रबारसम्म सङ्क्रमितको सङ्ख्या एक लाख ८७ हजार ८५९ पुगेको कोभिड–१९ सङ्क्रमण व्यवस्थापन केन्द्रले एक विज्ञप्तिमार्फत जानकारी गराएको छ । केन्द्रको तथ्याङ्क अनुसार विगत छ दिन रूसमा सङ्क्रमितको सङ्ख्या निरन्तर १० हजारको हाराहारीमा रहेको बताइएपनि शुक्रबारको सङ्ख्या अहिलेसम्मकै सबैभन्दा बढी हो ।

मुलुकको सबैभन्दा बढी प्रभावित क्षेत्र मस्कोमा गत २४ घण्टामा थप पाँच हजार ८४६ जनामा सङ्क्रमण पुष्टि भएको छ । यससँगै मस्कोमा ९८ हजार ५२२ जनामा सङ्क्रमण पुष्टि भएको छ ।

कोभिड–१९ को प्रकोपका कारण रूसमा मृत्यु हुनेको सङ्ख्या एक हजार ७२३ पुगेको छ । रूसमा बिहीबारपछिका २४ घण्टामा ९८ सङ्क्रमित व्यक्तिको मृत्यु भएको छ । रूसमा अहिलेसम्म सङ्क्रमितमध्ये २६ हजार ६०८ जना निको भएर अस्पतालबाट घर फर्किएका छन् ।

बिहीबारसम्ममा देशभर कूल दुई लाख ९२ हजार ४६९ जनालाई चिकित्सक तथा स्वास्थ्यकर्मीको निगरानीमा राखिएको रूसको उपभोक्ता अधिकार र मानव कल्याणकारी संस्थाले शुक्रबार एक विज्ञप्तिमा बताएको छ ।

रूसभर शुक्रबारसम्म ५० लाख व्यक्तिको कोरोनाभाइरस सङ्क्रमण परीक्षण भएको छ भने मस्कोमा कोरोनाभाइरस फैलिनबाट रोक्न नागरिकहरूलाई अतिआवश्यक कामबाहेक घर वा कार्यस्थलबाट बाहिर नजान वा यथास्थानमा रहन बिहीबारसम्मका लागि जारी गरिएको निर्देशन आगामी मे ३१ सम्मका लागि बढाइएको मस्कोका नगरप्रमुख सेर्गेई सोवियानिनले बताएका छन् ।

रूसले आगामी सोमबारदेखि मास्क र पञ्जा लगाएर व्यवसायिक सुविधा लिनदिन र शहरभित्र सार्वजनिक यातायात सञ्चालन गर्न सकिने बताएको छ मङ्गलबारदेखि रूसी राजधानी मस्कोमा औद्योगिक तथा निर्माण क्षेत्रलाई पुनः सञ्चालनका लागि अनुमति दिइएको छ ।

Comments

comments

- Advertisement -

Leave A Reply

Your email address will not be published.