Nepal's No. 1 Digital Newspaper

‘सेल्फी किङ’ को कथा मेरो जीवनसँग मेल खान्छ : विपिन कार्की

अभिनेता विपिन कार्की अभिनीत फिल्मको दर्शकमा निकै प्रतिक्षा रहने गर्दछ । हरेक फिल्ममा चुनौतीपूर्ण भूमिका निर्वाह गर्ने उनका फिल्ममा निकै गहन विषय पनि उठाइएका हुन्छन् । पछिल्लो पटक फिल्म ‘जात्रै जात्रा’ मा देखिएका उनले यस वर्ष फिल्म ‘प्रसाद’ बाट उत्कृष्ट अभिनेताको अवार्ड चुमिरहेका छन् । यस वर्षका लागि उनी दोस्रो फिल्म ‘सेल्फी किङ’ लिएर आउँदैछन् ।  

 ‘प्रसाद’ का निर्माता सुवास थापा र निर्देशक दिनेश राउतले निर्माण गरेको यो फिल्म आउँदो माघ २४ गतेबाट देशव्यापी प्रदर्शनमा आउँदैछ । फिल्मलाई विशाल सापकोटाले निर्देशन गरेका हुन् । कथा पनि उनकै हो । फिल्ममा विपिनले ‘सेल्फी किङ’ को उपनामले परिचित हास्यकलाकारको भूमिका निभाएका छन् । एक हास्यकलाकारको तीन दिनको कथा फिल्ममा उतारिएको छ ।  मंगलवार एक कार्यक्रमका बीच सार्वजनिक गरिएको फिल्मको ट्रेलरलाई दर्शकले निकै रुचाएका छन् । पत्रकार र फिल्मकर्मीले पनि ट्रेलरलाई सराकात्मक प्रतिक्रिया दिएका छन् । यसअघि पोस्टर र टीजरमा देखिएको विपिनको भिन्न लुक्सले फिल्मप्रति दर्शकमा कौतुहलता जागृत गरेको थियो । ट्रेलर सार्वजनिक भएपछि फिल्मलाई लिएर दर्शकमा अझै उत्सुकता बढेको छ ।

Order Now: 98510-87891

  ‘सेल्फी किङ’ मा उठाइएको कथा आफ्नो जीवनसँग पनि धेरथोर मेल खाने अभिनेता विपिनले बताए । उनले भने, ‘फिल्मले उठाएको कथा हरेक सेलिब्रेटीको जीवनसँग मेल खान्छ जस्तो लाग्छ । सबै कुरा त मेल नखाला तर केही कुरा चाहिँ मिल्दोजुल्दो हुनसक्छ । म पनि सेलिब्रेटी भएको नाताले मलाई पनि धेरैले चिन्ने भएका कारण फिल्मको कथासँग केही कुरा रिलेट गरेँ ।’  ‘सेल्फी किङ’ को टीजर र ट्रेलरमा अभिनेता विपिन कार्कीले बोलेको एउटा गम्भीर र चोटिलो संवादले स्टारडम भएका नेपाली कलाकारहरुलाई एकपटक सोच्न बाध्य तुल्याउँछ । ट्रेलरमा उनले भनेका छन्, ‘यो मुला स्टारडम, सेलिब्रेटी, पपुलारिटी, फ्रेम भन्ने कुरा छ नी मुतको न्यानो जस्तो मात्र हो । एकछिन तातो हुन्छ मज्जा आउँछ । एकछिन पछि घिन लाग्न थाल्छ ।

गन्हाउँछ ।’  यो संवादलाई अधिकांश फिल्मकर्मीले तीतो यथार्थ भनेका छन् । स्टारडमको बारेमा अभिनेता विपिन कार्कीको तर्क चाहिँ कस्तो छ ? मुतको न्यानो नै हो त स्टारडम भनेको ? फिल्मको ट्रेलर सार्वजनिक कार्यक्रममा उनले भने, ‘फिल्ममा मैले निर्वाहा गरेको चरित्रले एउटा समयमा स्टारडम भनेको क्षणिक मात्र हुन्छ भन्ने सम्झन्छ । वास्तविक जीवनमा त्यस्तो हुन्छ वा हुँदैन थाहा भएन ।’ 

 ‘सेल्फी किङ’ को पोस्टर सार्वजनिक भएपछि हलिउड फिल्म ‘जोकर’ बाट प्रभावित भएर निर्माण भएको भन्दै फिल्मको आलोचना भएको थियो । किनकि, पोस्टरमा देखिएको अभिनेता विपिनको लुक्स ‘जोकर’ का प्रमुख अभिनेतासँग धेरै हदसम्म मिल्दोजुल्दो थियो । तर, निर्देशक विशाल सापकोटाले कुनै पनि फिल्मबाट प्रभावित भएर ‘सेल्फी किङ’ निर्माण नभएको स्पष्ट पारेका छन् । 


तपाईको सूचना, हाम्रो समाचार

भ्रस्टाचार, अनियमितता सम्बन्धी र अन्य कुनै सूचना भिडियो तपाईसंग छ भने हामीलाई उपलब्ध गराउनुहोस र एउटा जिम्मेवार नागरिकको दायित्व पुरा गर्नुहोस ।“श्रोत गोप्य राखिने छ ।” [email protected]

Be the First to Advertise Us


Comments

comments

- Advertisement -

Leave A Reply

Your email address will not be published.