Nepal's No. 1 Digital Newspaper

तथ्य यो हो !

अष्ट्रेलियाको सिड्नीमा माननीय संस्कृति, पर्यटन तथा नागरिक उड्डयनमन्त्री योगेश भट्टराईको उपस्थीतिमा भएको ‘नेपाल भ्रमण वर्ष–२०२०’ शुभारम्भको बिषयमा जे समाचार आएका छन् । ती समाचारहरु तथ्यभन्दा धेरै टाढा छन् । भएको यो हो :-

मंगलबार माननीय संस्कृति, पर्यटन तथा नागरिक उड्डयनमन्त्री योगेश भट्टराई र न्यू साउथ वेल्स राज्य संसदका सम्माननीय सभामुख जोनाथन ओ डीले संयुक्त रुपमा सिड्नीको सर्कुलर क्युवेमा आयोजित एक कार्यक्रममा भ्रमण वर्षको शुभारम्भ गर्नुभएको छ । शुभारम्भ कार्यक्रममा त्यहाँका विपक्षी दलका नेता, नगरपालिका प्रतिनिधि लगायतले शुभकामना दिनु भएको थियो । शुभारम्भमा मन्त्रीले अस्ट्रेलियामा डढेलोका कारण भएको क्षतिप्रति दुःख व्यक्त गर्दै सहानुभूति प्रकट गर्नुभएको थियो । उहाँले नेपाल र नेपाली जनता अस्ट्रेलियाको दुःखमा साथमा रहेको बताउदै आफ्ना कूटनीतिक नियोग तथा नेपालीहरुलाई सहयोगमा जुट्न आग्रह गर्नुभएको थियो ।

Order Now: 98510-87891

त्यही क्रममा नेपालीहरुले डढेलो पीडितका लागि सहयोग संकलन समेत गर्नुभएको थियो । यसपछि केही बेर मौन र्‍याली समेत निकालिएको थियो । सर्कुलर किस्थित कस्टम हाउसदेखि ओपेरा हाउससम्म निकालिएको मौन र्‍यालीमा नेपालीहरु आ-आफ्नो सास्कृतिक पहिरन र पहिचान सहित सहभागी थिए । र्‍यालीमा माननीय मन्त्री भट्टराईसँगै अष्ट्रेलियाका लागि नेपाली राजदूत महामहिम महेशराज दाहाल, कन्सुलरहरु दीपक खड्का र चन्द्र योन्जनसहित १०० भन्दा बढी सहभागी थिए। तर, ओपेरा हाउस पुगेपछि सुरक्षाकर्मीहरुले सहभागीहरुलाई व्यवसायिक ब्यानरसहित नजान अनुरोध गरेका थिए । त्यसपछि सहभागीहरुले बढो अनुशासनपूर्वक ब्यानर हटाएर ओपेरा हाउस पुगेका थिए । यही बिषयलाई कार्यक्रममै अबरोध भनेर प्रचार र प्रपोगान्डा भएको छ । गरिएको छ । तथ्य यही हो । अरु काल्पनिक र प्रयोजित कथाहरु हुन् ।


तपाईको सूचना, हाम्रो समाचार

भ्रस्टाचार, अनियमितता सम्बन्धी र अन्य कुनै सूचना भिडियो तपाईसंग छ भने हामीलाई उपलब्ध गराउनुहोस र एउटा जिम्मेवार नागरिकको दायित्व पुरा गर्नुहोस ।“श्रोत गोप्य राखिने छ ।” [email protected]

Be the First to Advertise Us


Comments

comments

- Advertisement -

Leave A Reply

Your email address will not be published.