Nepal's No. 1 Digital Newspaper

नागरिकता संशोधन कानुनलाई लिएर बलिउडका कलाकारहरु विभाजित

मुम्बई – नागरिकता संशोधन कानुनलाई लिएर भारतमा विरोध प्रदर्शन भइरहँदा बलिउडका कलाकारहरु विभाजित भइरहेका छन्। निर्देशक तथा अभिनेता फरहान अख्तरले सामाजिक सञ्जालमा नागरिकता संशोधन कानुनविरुद्ध ट्वीट लेख्दा आलोचना खेप्नु परेको छ। ‘अब सामाजिक सञ्जालमा मात्र बोल्ने बेला सकियो। हामी सडकमा आउनुपर्छ। मुम्बईको क्रान्ति मैदानमा भेला होऔं ,’ उनले ट्वीट गरेका थिए। सो ट्वीटमा प्रयोग भएको कश्मिरविनाको भारतको फोटोका कारण उनले विवाद झेलिरहेका छन्। उनले अर्को ट्वीटमार्फत माफी मागेपनि उनीविरुद्ध सामाजिक सञ्जालमा चर्को आलोचना भइरहेको छ। उनलाई राष्ट्रद्रोही, जिहादी र आइएसआइ एजेन्ट भनेर विरोध गरिएको छ।

बलिउड अभिनेत्री कंगना रनावतले एक अन्तर्वार्तामा भनेकी छन्, ‘यस विषयमा बोल्न आँट नगर्ने बलिउड कलाकारहरु कायर हुन्। देशमा यस्तो भइसक्दापनि आम मानिसका लागि बोल्न नसक्ने कलाकारहरुलाई लाज लाग्नुपर्ने हो। अर्की अभिनेत्री स्वारा भास्करले हिंसा गरेर शान्तिको पाठ नसिकाउन नेताहरुलाई आग्रह गरेकी छिन्। जामिया मिलिया इस्लामिया विश्वविद्यालयमा कानुनको विरोधमा उत्रिएका विद्यार्थीमाथि प्रहरीले आक्रमण ग‍रेपछि अभिनेत्री प्रियंका चोपडा, अजय देवगन र वरुण धवनजस्ता कलाकारहरु सामाजिक सञ्जालमा आ–आफ्नो तर्क राखेका थिए।

Order Now: 98510-87891

अभिनेता शाहरुख खान, आमिर खान र सलमान खानजस्ता सुपरस्टार यस विषयमा नबोलेपनि सामाजिक सञ्जालमा आक्रोशित भएका छन्। बंगलादेश, अफगानिस्तान र पाकिस्तानबाट शरणार्थीका रुपमा भारत आएका हिन्दु लगायतका धर्मावलम्बीलाई नागरिकता दिने गरी गरिएको संशोधनमा मुस्लिम समुदायलाई वञ्चित गरिएको छ।

बलिउड कलाकार सुशान्त सिंहले नागरिकता संशोधन कानुनको विरोध गर्दा ‘सावधान इन्डिया’ नामक टेलिभिजन शोबाट निकालिएको दाबी गरेका थिए। ‘म प्रतिभा बेच्छु। आफ्नो विवेक होइन। जब मेरा बालबच्चाले ठूलो भएपछि विद्यार्थीलाई प्रताडित गर्दा तब म के गरिरहेको थिएँ भनेर सोधे मसँग जवाफ हुनुपर्छ,’ उनले भने। यो मेरो कदमको नतिजा हो भने यो निकै सानो मूल्य हो। जुन मैले चुकाउनु पर्यो। त्यसमा मलाई कुनै पछुतो छैन।’


तपाईको सूचना, हाम्रो समाचार

भ्रस्टाचार, अनियमितता सम्बन्धी र अन्य कुनै सूचना भिडियो तपाईसंग छ भने हामीलाई उपलब्ध गराउनुहोस र एउटा जिम्मेवार नागरिकको दायित्व पुरा गर्नुहोस ।“श्रोत गोप्य राखिने छ ।” [email protected]

Be the First to Advertise Us


Comments

comments

- Advertisement -

Leave A Reply

Your email address will not be published.