काठमाडौँ — नेपाल १३ औं सागको महिला भलिबलमा स्वर्ण जित्नबाट बञ्चित भएको छ । मंगलबार त्रिपुरेश्वरस्थित कभर्ड हलमा भएको फाइनलमा नेपाल भारतसँग ३-२ को सेटमा हार व्यहोर्दै रजत पदमा चित्त बुझाउन बाध्य भयो । फाइनल खेल सुरु हुनुअघिसम्म नेपाली टोलीका समर्थकहरुसँग नेपालले स्वर्ण जित्ने झिनो मात्र आशा बाँकी थियो । किनभने नेपाल सामु थियो, बलियो प्रतिद्वन्द्वी भारत ।
प्रतिस्पर्धात्मक खेलमा पहिलो सेट भारतले २५-१७ ले जितेको थियो। त्यसको लगत्तै दोस्रो र तेस्रो सेट नेपालले क्रमशः २५-२४ र २५-२१ ले जित्न सफल भयो। प्रतिस्पर्धात्मक चौथो सेट भने भारतको आफ्नो पक्षमा पार्न सक्यो। भारतले २५-२० को जित निकाल्यो। पाँचौ सेट भारतले जित्दै स्वर्ण पदक आफ्नो पक्षमा पार्यो। नेपाललाई रजत पदमा रोकिदियो।
Order Now: 98510-87891
तरपनि नेपाली भलिबलको इतिहासमा यो पहिलो साग रजत पदक हो।
हारसँगै केही बेरसम्म उत्साहित बनेको माहौल भावुक बन्न पुग्यो । जित नजिक पुगेर पराजय बेहोर्नु पर्दा नेपाली खेलाडीहरुले आँखा आँशुले छप्पकै भिजे । टोलीका अन्य सदस्यहरु खेलाडीहरुलाई सम्झाउनतिर लागे ।
सागको इतिहासमा नेपालले महिला भलिबलमा रजत जितेको यो पहिलो पटक हो । यसअघि नेपाली महिला भलिबल टोलीले सागमा तीन पटक काँस्य जितेको थियो । नेपालले सन् १९९९, २००६ र २०१६ को सागमा काँस्य जितेको थियो । नेपालले सेमिफाइनलमा श्रीलङ्कालाई ३–० को सोझो सेटमा हराएर फाइनलमा स्थान बनाएको थियो ।
Comments
