Nepal's No. 1 Digital Newspaper

प्रधानमन्त्री ओलीले थपे नौ नयाँ मन्त्री, पुराना नौ हटाए

प्रधानमन्त्री केपी शर्मा ओली मन्त्रिपरिषद् पुनर्गठन गरेका छन्। प्रधानमन्त्रीले पुनर्गठन गरेको मन्त्रिपरिषदको नामावली राष्ट्रपति कार्यालयले जारी गरेको छ। 

राष्ट्रपति कार्यालयले बुधबार राति विज्ञप्ति जारी गरेर नयाँ मन्त्रीमण्डलबारे जानकारी दिएको हो। राष्ट्रपति विद्यादेवी भण्डारीले प्रधानमन्त्रीको सिफारिसमा मन्त्रिपरिषद् नियुक्ति, कार्यविभाजन र हेरफेर गरेको विज्ञप्तिमा जनाइएको छ।

Order Now: 98510-87891

‘राष्ट्रपति विद्यादेवी भण्डारीज्यूले नेपालको संविधानको धारा ७६ को उपधारा (९) बमोजिम सम्माननीय प्रधानमन्त्रीज्यूको सिफारिसमा मौजूदा मन्त्रिपरिषदमा देहाय बमोजिमको नियुक्ति, हेरफेर र कार्य विभाजन गर्नुभएको छ,’ विज्ञप्तिमा उल्लेख छ।  

नयाँ थपिएकामा वसन्त नेम्वाङ (भौतिक) हृदयेश त्रिपाठी (संघीय), पार्वत गुरुङ (महिला, बालबालिका), घनश्याम भुषाल (कृषि)र लेखराज भट्ट (उद्योग), रामेश्वर राय (श्रम) छन्। 

यस्तै, मोती दुगडलाई उद्योग तथा वाणिज्य राज्यमन्त्री, रामवीर मानन्धरलाई सहरी विकास राज्यमन्त्री, नवराज रावतलाई स्वास्थ्य राज्यमन्त्री बनाइएको छ।

भौतिक पूर्वाधार तथा यातायातमन्त्री रघुवीर महासेठ, संघीय मामिला तथा स्थानीय विकास मन्त्री लालबाबु पण्डित, महिला, बालबालिका तथा ज्येष्ठ नागरिक मन्त्री थममाया थापा, कृषिमन्त्री चक्रपाणि खनाल, श्रम तथा समाजिक सुरक्षा मन्त्री गोकर्ण विष्ट र उद्योगमन्त्री मातृका यादव मन्त्रीबाट हटाइएका छन्। 

स्वास्थ्य राज्यमन्त्री सुरेन्द्र यादव, पर्यटन राज्यमन्त्री धनबहादुर बुढा र कृषि राज्यमन्त्री राजकुमारी चौधरीलाई हटाइएको छ। 

उपप्रधान तथा स्वास्थ्यमन्त्री उपेन्द्र यादवलाई कानुन मन्त्री बनाइएको छ। कानुन मन्त्री भानुभक्त ढकाललाई स्वास्थ्य मन्त्रालयको जिम्मेवारी दिइएको छ। 

यस्तो छ पुनर्गठित मन्त्रिपरिषद्

क्र.सं.नाम, थरपदनामकार्यविभाजन
श्री केपी शर्मा ओलीप्रधानमन्त्री 
श्री ईश्वर पोखरेलउपप्रधानमन्त्रीरक्षा
श्री उपेन्द्र यादवउपप्रधानमन्त्रीकानुन, न्याय तथा संसदीय मामिला
श्री रामबहादुर थापामन्त्रीगृह
श्री प्रदीपकुमार ज्ञवालीमन्त्रीपरराष्‍ट्र
श्री हृदयेश त्रिपाठीमन्त्रीसङ्घीय मामिला तथा सामान्य प्रशासन
श्री गिरिराजमणि पोखरेलमन्त्रीशिक्षा, विज्ञान तथा प्रविधि
श्री बर्षमान पुनमन्त्रीऊर्जा, जलस्रोत तथा सिँचाइ
श्री घनश्याम भुसालमन्त्रीकृषि तथा पशुपन्छी विकास
१०श्री भानुभक्त ढकालमन्त्रीस्वास्थ्य तथा जनसङ्‌ख्या
११श्री लेखराज भट्टमन्त्रीउद्योग, वाणिज्य तथा आपूर्ति
१२श्री योगेशकुमार भट्टराईमन्त्रीसंस्कृति, पर्यटन तथा नागरिक उड्डयन
१३श्री शक्तिबहादुर वस्नेतमन्त्रीवन तथा वातावरण
१४श्री रामेश्वर राय यादवमन्त्रीश्रम, रोजगार तथा सामाजिक सुरक्षा
१५डा. युवराज खतिवडामन्त्रीअर्थ
१६श्री मोहम्मद इश्तियाक राईमन्त्रीसहरी विकास
१७श्री जगतबहादुर सुनार (विश्वकर्मा)मन्त्रीयुवा तथा खेलकुद
१८श्री गोकुलप्रसाद वाँस्कोटामन्त्रीसञ्‍चार तथा सूचना प्रविधि
१९श्री पद्माकुमारी अर्यालमन्त्रीभूमि व्यवस्था, सहकारी तथा गरिबी निवारण
२०श्री बीना मगरमन्त्रीखानेपानी
२१श्री वसन्तकुमार नेम्बाङ्गमन्त्रीभौतिक पूर्वाधार तथा यातायात
२२श्री पार्वत गुरुङमन्त्रीमहिला, बालबालिका तथा ज्येष्‍ठ नागरिक
२३श्री मोतीलाल दुगडराज्यमन्त्रीउद्योग, वाणिज्य तथा आपूर्ति
२४श्री नवराज रावतराज्यमन्त्रीस्वास्थ्य तथा जनसङ्‌ख्या
२५श्री रामबिर मानन्धरराज्यमन्त्रीसहरी विकास

राष्ट्रपति कार्यालयको विज्ञप्ति

Comments

comments

- Advertisement -

Leave A Reply

Your email address will not be published.