Nepal's No. 1 Digital Newspaper

प्रचण्डले भने– कार्यकर्तालाई ग्याष्ट्रिक र अल्सरले सतायो

चितवन । नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डले नेकपाका नेता कार्यकर्तामा ग्याष्ट्रिक र अलसरले सताएको टिप्पणी गरेका छन् । 

बिहीबार चितवन पार्टीले आयोजना गरेको चियापान कार्यक्रममा उनले पछिल्लो समय पार्टीका नेता कार्यकर्तामा कम्युनिष्ट आचरण हराउँदै गएको समेत बताए । जसले गर्दा आफैले ल्याएको परिवर्तन आफ्नै कारणले गुम्ने होकि भन्ने खतरा रहेको भन्दै कार्यकर्तामा लागेको पार्टीविरोधी रोग ग्याष्ट्रियक र अलसरको उपचार गर्नुपर्ने बताए । 

Order Now: 98510-87891

उनले भने, ‘पार्टी सदस्यलाई नियन्त्रण गर्न नसकेर जसले जे पायो त्यही बोल्ने र गर्ने अवस्था सृजना भएको छ । पार्टी र नेता कार्यकर्तामा अराजकता मौलाएको छ । कम्युनिस्टका लागि देशमा कहिँ कतैबाट खतरा छ भने हामी नेता र कार्यक्रताबाट नै छ । नेतामा महत्वकांक्षा हावी भएको छ ।  आफ्नो पृष्ठभ्रमि विसर्ने रोगले सताएको  छ । यो क्रान्ति र कम्युनिष्ट लागि खतराको संकेत हो ।’

उनले अगाडि थपे, ‘बिग्रिएर कामै नलाग्ने भएका छौँ भन्ने होइन, सबैमा धूलोमैलो लागेको छ । बिगतमा राजनीतिमा आफू लाग्दाको अवस्था र अहिलेको अवस्थाको आफूले आफैलाई मूल्याकंन गर्नु पर्ने समय आएको छ ।’  
कार्यकर्तालाई उपचारै नहुने गरी क्यान्सर चाहिँ नभएको भन्दै उनले भने, ‘ग्याष्ट्रिक र अल्सर भएको छ,  बेलैमा उपचार गरि पार्टीलाई कम्युनिष्ट पार्टीजस्तो बनाउन सबै जुट्नु पर्छ ।’

उनले नेता र कार्यक्रतामा गलत प्रवृत्ति हावी भए सोभियत संघ विघटन भएजस्तै गरी नेपालका कम्यनिष्ठहरु पनि सकिने चेतावनी दिए । 

अर्को प्रसंगमा उनले विकास, समृद्धि र शान्तिका  निम्ति  दुई छिमेकी मुलुक सँगको सम्बन्धमा  सुधार भएको बताए । #प्रचण्ड

Comments

comments

- Advertisement -

Leave A Reply

Your email address will not be published.