Nepal's No. 1 Digital Newspaper

प्रधानमन्त्री ओली असन्तुष्ट

काठमाडौं– प्रधानमन्त्री केपी शर्मा ओलीले सरकारले गरेका कामको चर्चा समेत नगरिएकोमा असन्तुष्टि व्यक्त गरेका छन् । प्रधानमन्त्री ओलीले केही पनि भएको छैन भनेर निराशा फैल्याउने, असन्तुष्टि फैल्याउन खोज्ने एकथरी प्रवृत्ति पनि मुलुकमा देखिएको उल्लेख गर्दै असन्तुष्टि जनाए ।

सोमबार ललितपुरको भैंसिपाटीस्थित सैंबु आवास क्षेत्रमा प्रदेश प्रमुख र मुख्यमन्त्रीहरुको निवास तथा सम्पर्क कार्यालयहरुको शिलान्यास गर्दै उनले सरकारले विकास, निर्माणको कामलाई तीव्रता दिएपनि त्यसको चर्चा समेत नगरिएको गुनासो समेत गरे ।

Order Now: 98510-87891

‘केही पनि भएन भनेर, केही पनि भएको छैन भनेर निरासा फैलाउन खोज्ने, भएका कामहरुको चर्चा नगर्ने एकथरी प्रवृत्ति देखिएको छ,’ प्रधानमन्त्री ओलीको भनाई थियो, ‘ननइस्यू’ लाई ‘इस्यु’ बनाएर सरकारको विरोध मात्रै गर्ने सिलसिला चलाइएको छ ।’ त्यसअवसरमा प्रधानमन्त्री ओलीले सरकार हरेक दिन एक कदम अघि बढिरहेको दावी पनि गरे ।

उनले मोतीहारी–अमलेखगञ्ज पेट्रोलियम पदार्थको पाईपलाइन विस्तार गरिएको पनि स्मरण गराए । प्रधानमन्त्री ओलीले एक वर्ष पूरा नहुँदै मेलम्ची खानेपानी काठमाडौं ल्याउने प्रतिवद्धता पनि व्यक्त गरे । ठेकेदार कम्पनी भागेका कारण मेलम्चीको खानेपानी आउन ढिलाई भएको उनको स्पष्टिकरण थियो ।

प्रधानमन्त्री ओलीले बेसहारा भएर बसेका नागरिकलाई सरकारले उचित व्यवस्था गर्ने पनि बताए । सडकमा बेसहारा भएर कुनै नागरिक बसेको भए खबर गर्न पनि प्रधानमन्त्री ओलीको सार्वजनिक अपिल छ । उनले देशलाई छिट्टै भिखमंगामुक्त बनाउने घोषणा पनि गरे ।

प्रधानमन्त्री ओलीले प्रदेश प्रमुख र प्रदेशका मुख्यमन्त्रीहरुले संघीय सरकारसँग निरन्तर सम्पर्क गर्नुपर्ने भएकाले ललितपुरमा उनीहरुका लागि निवास तथा सम्पर्क कार्यालय स्थापना गर्नु परेको पनि स्पष्ट पारे । उनले ललितपुरको सैवु आवास क्षेत्रमै केही समय भित्रै संघीय मन्त्रीहरुको निवास बनाउने कार्य पनि सुरु हुने बताए ।

सरकारले चालू आर्थिक वर्ष भित्रै स्टेट गेष्ट हाउस, सभाहल र संघीय संसदका सांसदहरुको आवास निर्माणको कामलाई पनि सुरु गर्ने योजना सार्वजनिक गरिसकेको छ । यसअघि प्रधानमन्त्री ओलीले ३ वर्षभित्र निर्माण सम्पन्न हुने गरी सिंहदरबारमा संघीय संसद भवन र बालुवाटारमा प्रधानमन्त्री निवास नयाँ भवनको पनि शिलान्यास गरेका थिए ।# केपी शर्मा ओली


तपाईको सूचना, हाम्रो समाचार

भ्रस्टाचार, अनियमितता सम्बन्धी र अन्य कुनै सूचना भिडियो तपाईसंग छ भने हामीलाई उपलब्ध गराउनुहोस र एउटा जिम्मेवार नागरिकको दायित्व पुरा गर्नुहोस ।“श्रोत गोप्य राखिने छ ।” [email protected]

Be the First to Advertise Us


Comments

comments

- Advertisement -

Leave A Reply

Your email address will not be published.