Nepal's No. 1 Digital Newspaper

फिफा अवार्ड आज : मेस्सी, रोनाल्डो र भान डाइकमा कसले मार्ला बाजी ?

एजेन्सी । विश्व फुटबल महासंघ (फिफा) ले सन् २०१९ को उत्कृष्ट फिफा वर्ष खेलाडी अवार्ड आज (सोमबार) राति इटालीको मिलानमा विशेष कार्यक्रमबीच प्रदान गर्दैछ ।

अवार्डका लागि फिफाले तीन जना खेलाडीको मनोनयन यसअघिनै सार्वजनिक गरिसकेको छ । मनोनयनमा लियोनल मेस्सी, भल भान डाइक र क्रिस्टियानो रोनाल्डो परेका छन् । यी तीन खेलाडीमध्ये कस्ले अवार्ड जित्ला भन्ने कौतुहलता बढेको छ ।

Order Now: 98510-87891

तीनै जना खेलाडी यसअघि युरोपेली फुटबल महासंघ (यूईएफए) को उत्कृष्ट वर्ष खेलाडीको पनि मनोनयनमा परेका थिए । यूईएफएको उत्कृष्ट अवार्ड भने भाइ डाइकले जितेका थिए ।

फिफाले शीर्ष तीनमा रहेका मध्येबाट फिफामा आबद्ध सबै देशका राष्ट्रिय प्रशिक्षक र कप्तान, क्षेत्रीय प्रतिनिधित्व हुनेगरी छनोट भएका पत्रकार तथा फिफा डट कम मार्फत् विश्वभरका फुटबल समर्थकको मतदानका आधारमा उत्कृष्ट वर्ष खेलाडी र प्रशिक्षकलाई अवार्ड प्रदान गर्दछ ।

खेलाडीसँगै फिफाले अन्य विधाको अवार्डका लागि अन्तिम तीनको मनोनयन पनि यसअघि नै सार्वजनिक गरेको छ ।

यस्तो छ सबै विधाको मनोनयन

उत्कृष्ट पुरुष खेलाडी

१) लियोनल मेस्सी (बार्सिलोना÷अर्जेन्टिना)
२) क्रिस्टियानो रोनाल्डो (युभेन्टस÷पोर्चुगल)
३)  भर्जिल भान डाइक (लिभरपुल÷नेदरल्यान्ड्स)

उत्कृष्ट महिला खेलाडी

१) मेगन रापिनो (अमेरिका)
२) एलेक्स मोर्गन (अमेरिका)
३) लुसी ब्रोन्ज (इङ्ल्यान्ड)

उत्कृष्ट पुरुष प्रशिक्षक

१) पेप ग्वार्डीओला (म्यानचेस्टर सिटी)
२) योर्गेन क्लप (लिभरपुल)
३) माउरिसिओ पोचेटिनो (टोट्टनहाम)

फिफा पुस्कास अवार्ड

१) लियोनल मेस्सी (बार्सिलोना÷अर्जेन्टिना)
२) जुआन फेर्नान्डो क्वेटेरो (रिभर प्लेटर÷कोलम्बिया)
३) डेनियल जसोरी (डेब्रेसेनी÷रोमानिया)

उत्कृष्ट पुरुष गोलरक्षक

१) एलिसन बेकर (लिभरपुलर÷ब्राजिल)
२) एन्डरसन (म्यानचेस्टर सिटी÷ब्राजिल)
३) मार्क टेर स्टेगेन (बार्सिलोना÷जर्मनी)

उत्कृष्ट महिला गोलरक्षक

१) हेडभिग लिडहल (स्वीडेन)
२) क्रिस्टियन एन्डलर (चिली)
३) सारी भान भीनेनडाल (नेदरल्यान्ड्स)

उत्कृष्ट महिला प्रशिक्षक 

१) जील एल्लिस (अमेरिका)
२) फिल नेभील (इङ्ल्यान्ड)
३) सरिना वियगमन (नेदरल्यान्ड्स)


तपाईको सूचना, हाम्रो समाचार

भ्रस्टाचार, अनियमितता सम्बन्धी र अन्य कुनै सूचना भिडियो तपाईसंग छ भने हामीलाई उपलब्ध गराउनुहोस र एउटा जिम्मेवार नागरिकको दायित्व पुरा गर्नुहोस ।“श्रोत गोप्य राखिने छ ।” [email protected]

Be the First to Advertise Us


Comments

comments

- Advertisement -

Leave A Reply

Your email address will not be published.