Nepal's No. 1 Digital Newspaper

मुर्छित सपनामाथि पानी छरेकै हो : प्रधानमन्त्री ओली

काठमाडौँ । प्रधानमन्त्री केपी ओलीले मुलुकमा विकासका लागि जग बनेको र अब विकासले तीव्रता पाउने बताएका छन् । 

संविधान दिवस मुल समारोह समितिले काठमाडौँको टुडिखेलमा आयोजित कार्यक्रमलाई सम्बोधन गर्दै प्रधानमन्त्री ओलीले अघिल्लो बर्षलाई सरकारले आधार बर्षका रुपमा घोषणा गरेको र त्यो आधार तयार भएकाले अब तला थप्दैथप्दै अघि बढ्ने प्रष्ट पारेका छन् ।  

Order Now: 98510-87891

प्रधानमन्त्री ओलीले आफूले विकास र समृद्धिका लागि मुर्छित सपनामाथि पानी छरेकै हो भन्दै अगाडि भने, ‘मेरो काम मुर्छित सपना जगाउनु नै थियो ।’

तर उनले आफू र आफ्नो दल सपनाका सौदागर नभएको भन्दै आफूले पहिला गरेको प्रतिवद्धता अनुसार नै अब केही हुन्छ भनेर नै आम जनतामा आसाको सञ्चार पैदा भएको बताए । 

प्रधानमन्त्री ओलीले संविधान कार्यान्वयनका पक्षमा पक्ष र प्रतिपक्ष नहुने भन्दै त्यसमा सबैको भूमिका उस्तै रहनुपर्ने धारणा राखे । 

उनले संविधानप्रति असन्तुष्टि राख्ने र संविधानभन्दा बाहिर रहेकाहरुलाई राजनीतिक मुलधारमा आउन ढिला नगर्न आग्रह पनि गरे । 

‘राजनीतिक आन्दोलनको चरण पुरा भएको छ । अब पनि राजनीतिको नाममा शान्तिसुरक्षा र एकता खल्बल्याउने काम भए सरकारले त्यसलाई रोक्छ,’ प्रधानमन्त्रीले भने, ‘लोकतान्त्रिक प्रणाली सुदृढ भएमात्रै जनता सुखी हुन्छन् ।’

प्रधानमन्त्री ओलीले मृत्युलाई आफूले नजिकैबाट देखेको भन्दै आफूजस्तै धेरैको प्रयासबाट मात्रै अहिलेको परिवर्तन सम्भव भएको दावी गरे । 

उनले नेपालीहरुको सम्मृद्धिको सपना साझा सपना भएको भन्दै त्यो पुरा भएरै छाड्ने पनि दावी गरे । ‘मुलुकले काँचुली फेर्छ । हाम्रा सपना पुरा हुन्छन् । धैर्य गरौं । मुलुक बन्ने ठोस आधार तयार भएका छन्’ प्रधानमन्त्री ओलीको भनाइ थियो । 

प्रधानमन्त्री ओलीले दोहान नगरिएका प्रकृतिक स्रोत रहेको, दृष्टिकोणसहितको सरकार भएको र जनसंख्याकि आधार छ समेत भएकाले अव मुलुक बन्न समय नलाग्ने प्रस्ट पारे । 

उनले थोरै चिन्ता फुर्सदिलो युवापंक्तिमा भएको पनि बताए । ‘मलाई थोरै चिन्ता फुर्सदिलो युवा पंक्तिमा छ, जसको ऊर्जा रचनात्मक काममा भन्दा सामाजिक सञ्जालमा खर्च भइरहको छ,’ उनले सरकारको आलोचना गर्नेहरुलाई लक्षित गर्दै भने, ‘युवाहरुलाई देश बनाउने अवसरमा सहभागी बन्न म आग्रह गर्छु ।’
उनले आजको आवश्यक्ता उछृङखलता र अराजकता गर्ने नभएको भन्दै असन्तुष्टिको खेतीलाई उकेरा लाउने नभई नतिजामुखि बनाउन सबैको सहकार्य अवाश्यक रहेको बताए । 

सम्बोधनको अधिकांश समय सरकारले गरेका कामको चर्चा गरेका प्रधानमन्त्री ओलीले उच्च आर्थिक वृद्धिदर हाँसिल भएको, विकासले गति लिन लागको र संघीयता कार्यन्वयनमा अघि बढेको चर्चा गरेका थिए । 

असोज ३ गते सबैभन्दा ठूलो चाडको दिन भएको भन्दै उनले संविधान संशोधन गरेर अघि बढ्न सकिने पनि बताए । ‘जुनबेला जे मिल्दैन, त्यसलाई सच्चाउँदै अघि बढ्न सकिन्छ’ प्रधानमन्त्रीको भनाई थियो ।
 

Comments

comments

- Advertisement -

Leave A Reply

Your email address will not be published.