Nepal's No. 1 Digital Newspaper

बाँके घटनामा संलग्नलाई कारवाही गर्ने सरकारको प्रतिवद्धतापछि चल्यो संसद बैठक

काठमाडौँ– बाँके घटनाका दोषीहरुमाथि सरकारले कारवाही गर्ने प्रतिवद्धता जनाएपछि प्रमुख प्रतिपक्ष दल काँग्रेस प्रतिनिधि सभाको संसद बैठक सुचारु गर्न सहमत भएको छ ।

बुधबारको बैठक सुरु हुनासाथ काँग्रेस सांसदले उठेर विरोध गरेका थिए । त्यसपछि सभामुखले काँग्रेस सांसद दिलेन्द्रप्रसाद बडुलाई बोल्न समय दिएका थिए । बडुले बाँके घटनामा संलग्नहरुलाई सरकारले कारवाही गर्ने प्रतिवद्धता नजनाए बैठक चल्न नदिने बताएका थिए । 

Order Now: 98510-87891

लगत्तै सभामुख कृष्णबहादुर महराले सरकारका तर्फबाट कनुनमन्त्री भानुभक्त ढकाललाई जवाफ दिन समय दिएका थिए । मन्त्री ढकालले सरकारका तर्फबाट घटनाबारे जवाफ दिँदै प्रधानमन्त्री केपी ओलीले समेत उक्त घटानका दोषीलाई कारवाही गर्ने बचनवद्धता प्रकट गरेको र घटनामा संलग्न भएको भन्दै प्रहरीले किटानी जाहेरीसमेत लिएको अवस्थामा दोषीलाई कारवाही गर्न सरकार प्रतिवद्ध रहेको बताएका थिए ।   

‘घटनामा संलग्न व्यक्तिको कारवाहीको विषयमा जाहेरी लिइसकेको र उनीहरुलाई कानुनी दायरामा ल्याउन सरकार तर्फबाट विश्वास दिलाउन चाहान्छु’ मन्त्री ढकालले प्रतिवद्धता जनाए । उनले गल्ति नगरेका नफस्ने र गल्ती गरेका नउम्कने समेत दावी गरे ।

गत साता बाँकेको खजुरा गाउँपालिकाको सीतापुरस्थित नेपाल रेडक्रसको हलमा जारी काङ्ग्रेसको जागरण कार्यक्रममा सत्तारुढ दलका कार्यकर्ताले आक्रमणका गर्दा बाँके काङ्ग्रेस सभापति किरण कोइराला घाइते भएकी थिइन् । 

सो घटनामा संलग्नलाई नियन्त्रणमा लिएर कारवाही गर्नुपर्ने भन्दै काँग्रेसले सदन अवरोध गर्दै आएको थियो । 

Comments

comments

- Advertisement -

Leave A Reply

Your email address will not be published.