Nepal's No. 1 Digital Newspaper

नेपाल लोक स्टारमा अब टप–टेनको प्रतिस्पर्धा

काठमाडौं –आईएमईको मुख्य प्रायोजन रहेको चाहना मिडिया प्रालिद्वारा उत्पादित नेपालको सबैभन्दा ठूलो रियालिटी शो ‘आईएमई नेपाल लोक स्टार‘को अव उत्कृष्ट दश अर्थात टप टेन सांगीतिक प्रतिस्पर्धा हुने भएको छ ।

७ प्रदेशका मुख्य शहरहरु धनगढी, सुर्खेत, बुटवल, जनकपुर, इटहरी, पोखरा र काठमाडौंमा आयोजना गरिएकोे ओपन अडिशनमा प्रतियोगिताका लागि कुल ३५० जना प्रतिस्पर्धी छानिएका थिए ।

Order Now: 98510-87891

यी प्रतिस्प्रिर्धीहरुबाट बिभिन्न चरणको अडिसन पार्दै बिनोद दनुवार (उदयपुर) , चेतन गोतामे (स्याङजा) , दीपेन्द्र राइ (भोजपुर) , मुना अर्याल (चितवन) , पबिन्द्र सुनार (बाजुरा) , प्रभुराज पाण्डे (बाजुरा) , रामकुमार नेपाली (रामेछाप) , रविराज शाह (सर्लाही ), शनि विश्वकर्मा (रोल्पा) र सुशिल आचार्य (अर्घाखाँची) लगायत दश प्रतियोगी मात्र टप टेन स्पर्धामा पुग्न सफल भएका हुन् । प्रतियोगिताको आगामी एपिसोडमा यी दश प्रतिस्र्धीबिच रोमान्चकारी भिडन्त हुने आयोजकले जनाएको छ ।

प्रत्येक बिहिबार र शुक्रबार बेलुकी ८ :३० बजे एपी.वान एचडी. र डिशहोम रमाइलोमा प्रसारण भइरहेको आइएमइ.नेपाल लोक स्टारको प्रथम पुरस्कार रु. ५० लाख रहेको छ । द्वितीय पुरस्कार रु. २५ लाख रहेको प्रतियोगिताकमा तृतीयले रु. १० लाख पाउनेछन् । 

सबै बिजेतालाई एल्बमको कन्ट्रयाक्टको व्यवस्था समेत रहेको छ ।

सुनिता दुलाल, जयनन्द लामा, रामजि खाँड र बि.बि. अनुरागी निर्णायक रहेको प्रतियोगिता डिशहोमको अशोसिएसन, सगरमाथा सिमेन्टद्वारा संचालित, लिट्मस केबलद्वारा विद्युतीय अनुरक्षण र दिव्य कुकिङ ओयलद्वारा सह–प्रायोजित गरिएको छ । 

कार्यक्रमका भोटिङ पार्टनर आइएमइ पे र बैंकिङ पार्टनर कृषि विकास बैंक, इन्सोरेन्स पार्टनर सिटीजन लाईफ इन्सोरेन्स, होटल पार्टनर होटल काठमाडौं इन्, ट्राभल पार्टनर इस्ट एण्ड वेस्ट ट्राभल एजेन्सी रहेका छन् ।
प्रमोशन तथा बजार व्यवस्थापन एडप्याड प्रा.लि रहेको प्रतियोगिता कुल ३६ श्रृखलामा पुगेर सकिने छ । करिब १० करोड रुपँैया लागत लाग्ने यो रियालटी शो नेपालकै सबैभन्दा ठुलो रियालटी शो रहेको आयोजकको दाबी छ । 

Comments

comments

- Advertisement -

Leave A Reply

Your email address will not be published.