Nepal's No. 1 Digital Newspaper

नेकपाको सचिवालय बैठक पहिलो पटक पार्टी कार्यालयमा बस्दै

काठमाडौँ । पार्टी एकीकरणको १५ महिना पछि नेपाल कम्युनिष्ट पार्टी(नेकपा)का अध्यक्ष पुष्पकमल दाहाल प्रचण्डको अध्यक्षतामा पहिलो पटक सचिवालय बैठक बस्दैछ ।

तत्कालीन एमाले र माओवादीबीच २०७५ जेठ ३ गते पार्टी एकता हुँदा दुवै अध्यक्षले पालैपालो बैठकको अध्यक्षता गर्ने सहमति भएपनि प्रचण्डले अहिलेसम्म त्यस्तो अवसर पाएका थिएनन् ।

Order Now: 98510-87891

बैठक सोमबार (आज) ११ बजे पार्टी कार्यालय धुम्बाराहीमा बस्दै छ । यसअघि दिउँसो १ बजे बस्ने भनिएको बैठक २ घण्टा अगाडि सरेको छ । नेकपामा यसअघिका सचिवालय बैठक प्रधानमन्त्री निवास वालुवाटारमा बस्दै आएको थियो । तर, आजको बैठक पार्टी कार्यालयमा पहिलो पटक बस्न लागेको हो ।

बैठकले महानगर कमिटीका पदाधिकारी, प्रवास र केही आयोगका प्रमुख उपप्रमुख टुङ्गाउने भएको छ । यस्तै प्रधानमन्त्रीसमेत रहेका अर्का अध्यक्ष ओली सिंगापुरमा उपचार गराईरहेका छन् । सचिवालय बैठक बस्नु अघि कार्यकारी अधिकार पाएका प्रचण्डले अन्य तहका नेताहरुसँग पनि भेटघाट र छलफल गरेका थिए ।

प्रधानमन्त्री उपचारका लागि भदौ ५ गते सिंगापुर जानुभन्दा केही घण्टा अगाडि त्यसै दिन बसेको नेकपाको सचिवालय बैठकले अर्का अध्यक्ष प्रचण्डको अध्यक्षतामा बैठक बसेर सांगठनिक एकता र अन्य निर्णयहरू गर्ने सहमति भएको थियो । सोही निर्णय अनुसार प्रचण्डले सचिवालय बैठक बोलाएका हुन् ।

Source:ratopati news


तपाईको सूचना, हाम्रो समाचार

भ्रस्टाचार, अनियमितता सम्बन्धी र अन्य कुनै सूचना भिडियो तपाईसंग छ भने हामीलाई उपलब्ध गराउनुहोस र एउटा जिम्मेवार नागरिकको दायित्व पुरा गर्नुहोस ।“श्रोत गोप्य राखिने छ ।” [email protected]

Be the First to Advertise Us


Comments

comments

- Advertisement -

Leave A Reply

Your email address will not be published.