Nepal's No. 1 Digital Newspaper

फिल्म कबिर सिंहले रच्यो इतिहास, अब निर्देशक संदिपले गर्दैछन् नयाँ धमाका !

आजकाल भारतीय बक्स अफिसमा लगातार एक महिनादेखि शाहिद कपुर स्टारर ब्लकबस्टर फिल्म ‘कबिर संह’ को एकल राज छ । फिल्मको पूरा टिम आजकाल फिल्मको सफलतामा रमाइरहेका थिए । तर फिल्मका निर्देशक संदिप रेड्डी वांगा अब चाँडै नै अर्को फिल्मबाट हिन्दी सिनेमा जगतमा धमाका गर्ने तयारीमा छन् ।

सन् २०१७ मा रिलिज भएको तेलुगु फिल्म ‘अर्जुन रेड्डी’ संदिपको पहिलो फिल्म थियो । यो फिल्म त सफल नै थियो तर जब संदिपले आफ्नै फिल्मको हिन्दी संस्करण निकाले तब यो अत्यधिक चर्चा भयो । अर्थात्, संदिपले अहिलेसम्म जम्मा दुई फिल्म निर्देशन गरेका छन् र दबै सुपर डुपर हिट रह्यो । यस्तै, अब संदिपले नयाँ फिल्मको तयारी गरिसकेका छन् ।

Order Now: 98510-87891

बलिउड लाइफ डटकमको एउटा रिपोर्ट अनुसार संदिपको आगामी फिल्म चिनी मिलमा आधारित हुनेछ । यो मुद्दा निकै सशक्त भएकाले यो फिल्म धमाकेदार एक्सनले भरपुर हुनेछ ।

कबिर सिंहले वर्षको हाइएस्ट ग्रोसरको दर्जा हासिल गरिसकेको छ । फिल्मले चाँडै नै तीन सय करोडको आँकडा पार गरिसकेको छ । फिल्ममा शाहिद कपुर र कियारा आडवाणीले मुख्य भूमिका निभाएका थिए ।

Comments

comments

- Advertisement -

Leave A Reply

Your email address will not be published.