कादर खानका छोरा भन्छन्, ‘बुवाको निधनको खबर झुठो हो’


बलिउड अभिनेता कादर खानको निधनको खबर सामाजिक सञ्जालमा फैलिएको छ । तर, उनका छोरा सर्फराजले भने खानको यतिबेला क्यानाडामा उपचार भइरहेको छ ।

पिटिआईसँग कुरा गर्दै उनले भने, ‘उनको निधनको खबर झुठो । यो हल्ला मात्र हो । बुवा अस्पतालमा हुनुहुन्छ ।’

श्वासप्रश्वासमा समस्या देखिएपछि उनलाई सामान्य भेन्टिलेटरबाट बिआईपीएपी भेन्टिलेटरमा सारिएको छ ।

टाइम्स अफ इन्डियाको एक रिपोर्टमा खानलाई प्रोग्रेसिभ सुप्रान्युक्लियर पाल्सी नामक रोग लागेको छ जसले गर्दा उनलाई हिँडडुल गर्न र ब्यालेन्स बनाउन अफ्ठयारो हुन्छ ।

खानको निधनको हल्लाको शिकार बलिउड अभिनेताहरु पनि बनेका छन् । अर्सद वारसीले ट्वीटरमा खानप्रति समवेदन प्रकट गरेका थिए ।

अफगानिस्तानको काबुलमा जन्मिएका खानले सन् १९७३ मा राजेश खन्ना अभिनित दागबाट बलिउडमा डेब्यु गरेका थिए । उनले बलिउडमा ३ सयभन्दा बढी चलचित्रमा काम गरिसकेका छन् ।

अभिनेतामात्र नभएर उनी सफल संवाद तथा स्क्रिनप्ले लेखक पनि थिए । उनले २५० भन्दा बढी चलचित्रमा संवाद लेखेका छन् भने प्रकाश मेहरा र मनमोहन देसाईसँग मिलेर स्क्रिनप्ले पनि तयार गरेका छन् ।

Exclusive News : यो पनि पढ्नुहोस

Leave a Facebook Comments

Your comments here

Leave a Reply

Your email address will not be published. Required fields are marked *

wordpress