किम जोङ उनले पठाए दक्षिणका राष्ट्रपतिलाई चिठी


उत्तर कोरियाली नेता किम जोङ उनले आउँदो वर्ष दक्षिण कोरियालीले राष्ट्रपति मुन जाइ इनसँग अनआणविकीकरणका लागि धेरैभन्दा धेरै वार्ता गर्ने बचन दिएका छन्।

अंग्रेजी नयाँ वर्षको पूर्वसन्ध्यामा शनिबार मुनलाई एउटा चिठी लेखेर उनले यही वर्ष दक्षिणको राजधानी सउलको भ्रमण गर्ने भने पनि पूरा नभएको तर अर्को साल निरन्तर वार्ता गर्ने वाचा गरेको मुनको कार्यालयले जनाएको छ।  उत्तरले दक्षिणलाई कहिलेकाहीँमात्र चिठी लेख्छ। चिठी कसरी आएको थियो भन्नेबारे मुनको कार्यालयले केही खुलाएको छैन।

सन् २०१८ मा उन र दक्षिण कोरियाली राष्ट्रपति मुनबीच तीन पटक भेट भएको थियो। तीमध्ये २  भेट सीमावर्ती पान्मुन्जोम गाउँमा भएको थियो भने तेस्रो भेटका लागि मुन प्योङयाङ पुगेका थिए।

यही वर्ष सिंगापुरमा भएको अमेरिकी राष्ट्रपति डोनाल्ड ट्रम्पसँगको शिखर वार्ताका क्रममा उनले देशको आणविक कार्यक्रम रोक्ने र अन्तर्राष्ट्रिय विज्ञलाई आणविक भट्टीको निरीक्षण गर्न दिने सहमति गरेका थिए।

Exclusive News : यो पनि पढ्नुहोस

Leave a Facebook Comments

Your comments here

Leave a Reply

Your email address will not be published. Required fields are marked *

wordpress