नेपाल फर्किएपछि श्रृंखलाले भनिन्–शीर्ष उपाधि जित्न सकिनँ दुःखी छु


मिस नेपाल श्रृंखला खतिवडा स्वदेश फर्किएकी छन् । चीनको सान्यामा केही दिन अगाडि सम्पन्न ‘मिस वल्ड ’ प्रतियोगितामा भाग लिएर उनी बुधबार साँझ स्वदेश फर्किएकी हुन् ।

‘मिस वल्र्ड’ को ताज हाँसिल गर्न नसके पनि उनले सबैको माया भने जित्न सफल भएकी छन् । त्रिभुवन अन्तर्राष्ट्रिय विमानस्थलमा संचारकर्मीहरुसँग कुरा गर्दै उनले नेपाललाई आफूले विश्वमा चिनाउन सफल भएको बताइन् ।

प्रतियोगितामा ब्यूटी विथ द प्रपोज र मल्टिमिडिया अवार्ड जितेकी उनले नेपालीहरुको सहयोग र मायाले यो उपलब्धि हाँसिल गर्न सफल भएको बताइन् ।

नेपालीले भोट मार्फत आफूलाई अथाहा माया बर्साएको बताएकी उनले भनिन् ‘मेरो पक्षमा आएको भोट देखेर अन्य साथीहरु अचम्भित हुन्थे । सबैप्रति म एकदमै ऋणी छु ।’

टप १२ मा पुग्ने आफूमा कन्फिडेन्स भएकोले त्यो सफलतामा खासै अचम्म नलागेको बताएकी उनले टप ५ अटाउने उद्देश्य पूरा हुन नसकेको बताइन् । ‘दुई वटा महत्वपूर्ण अवार्ड जितिसकेको अवस्थामा म टप ५ मा पुग्नुपर्ने थियो । खै के कारणले पुग्न सकिन्छ ।’

यसपटक मिस वल्र्डको फम्र्याट पहिला भन्दा परिवर्तन भएको कारणले पनि आफूलाई असर परेको उनले बताइन् । उनले थपिन् ‘नेपालीहरुले मैले शीर्ष उपाधि जित्ने अपेक्षा गरेको थिए । तर सकिन । धेरै दुःखी छु ।’

Exclusive News : यो पनि पढ्नुहोस

Leave a Facebook Comments

Your comments here

Leave a Reply

Your email address will not be published. Required fields are marked *

wordpress