अमेरिकाको चेतावनीका बाबजुद भारतले इरानसँग पेट्रोल किन्ने


एजेन्सी– इरानका विदेशमन्त्री मोहम्मद जावद जरिफले भारतले इरानसँग तेल किन्ने प्रतिबद्धता जनाएको बताएका छन् । साथै भारत दुई देशबीच आर्थिक सहयोग जारी राख्न समेत प्रतिबद्ध रहेको उनले बताएका छन् । 
इरानका विदेशमन्त्रीले भारतीय विदेशमन्त्री सुष्मा स्वराजसँगको भेटवार्ता पछि यो कुरा भनेका हुन् ।   समाचार एजेन्सी रोयर्टसका अनुसार दुई देशका विदेश मन्त्रीहरुको यो भेट न्यूयोर्कमा आयोजित संयुक्त राष्ट्रसंघको आमसभाको बैठकको साइडमा भएको थियो । 

यो वैठक यस्तो समयमा भएको छ, जब अमेरिका इरानको तेल व्यापारलाई प्रभावित पार्नको लागि नोभेम्बरदेखि उसको तेल आयातमा कयैन प्रतिबन्ध लागू गर्दैछ ।  भेटघाटपछि रिपोर्टरहरुले इरानका विदेशमन्त्रीसँग भारतले उनको देशबाट गरिरहेको तेल आयातलाई जारी राख्नेबारेमा के भनेको छ भन्ने प्रश्न गरेका थिए ।

उत्तरमा जरिफले भने– ‘ईरानसँग आर्थिक सहयोग एवम्  कच्चा तेल आयात जारी राख्नको लागि हाम्रो मित्रराष्ट्र भारतको धारणा सधैं स्पष्ट रहेको छ । मैले यही बयान मेरा भारतीय समकक्षीबाट पनि सुने ।’

script> (adsbygoogle = window.adsbygoogle || []).push({});

बुधबारनै अमेरिकाको राष्ट्रपतिले संयुक्त राष्ट्रसंघको सुरक्षा परिषदको बैठकमा अमेरिकाले इरानमाथि लगाएको प्रतिबन्ध पालना नगर्ने देशहरुले गम्भीर परिणाम सामना गर्नुपर्ने चेतावनी दिएका थिए । 

script> (adsbygoogle = window.adsbygoogle || []).push({});

रिपोर्टरसँगको थप कुरामा मोहम्मद जवाद जरिफले भने– ‘भारतसँग हाम्रो व्यापारिक रुपमा मित्रवत सम्बन्ध रहेको छ र सम्बन्धमा सहकार्य पनि सामेल छ । किनकि इरान सधैं भारतको उर्जा आवश्यकताको भरपर्दो स्रोत रहदै आएको छ ।’ जरिफले आफ्नो सरकारले भारतसँगको द्विपक्षीय सम्बन्ध अझ बलियो बनाउन चाहेको बताए । 

दुई देशबीचको तेल व्यापार 

ओपेक देशहरुमध्ये इरान भारतको तेस्रो सबैभन्दा ठूलो तेल निर्यातक देश हो । इरानको कूल उत्पादनको करिब १०% तेल भारतले किन्छ । यसबापत भारतले इरानलाई १०० अर्ब डलरभन्दा बढी भुक्तानी गर्छ । चीन पछि भारत इरानको कच्चा तेलको दोस्रो सबैभन्दा ठूलो ग्राहक हो ।

अमेरिका इरानले आफुसहित ६ शक्ति राष्ट्रहरुसँग गरेको परमाणु सन्धिबाट बाहिरिएपछि भारतले इरानसँग गरिरहेको तेल आयातमा केही कटौती गरेको थियो ।  तर पनि भारत परिमाणु सन्धीबाट बाहिरिएपछि अमेरिकाले इरानमाथि लगाएको पहिलो चरणको प्रतिबन्ध पछि पनि इरानसँग व्यापारिक सम्बन्ध कायम राख्ने थोरै देशमध्ये एक हो । 

भारतले त्यो समय उसले अमेरिकाको एकतर्फी प्रतिबन्ध नमान्ने र अन्तर्राष्ट्रिय ममलामा उ संयुक्त राष्ट्रको निर्देशनमा मात्र चल्ने बताएर पन्छेको थियो । 

भारतले यही वर्ष इरानसँग तेल आयत बढाउने फैसला गरेको थियो । यो फैसला तब लिइएको थियो, जब इरानले भारतलाई बेच्ने तेलको ढुवानी शुल्क लगभग निशुल्क गरिदिने र उधारोको म्याद बढाउने अफर दिएको थियो । 

तर नोभेम्बर महिनामा अमेरिकाको थप प्रतिबन्ध लागेपछि भारतलाई इरानबाट तेल ल्याउनको लागि सजिलो नहुने जानकारहरु बताउँछन् । 
 

 

Leave a Facebook Comments

Your comments here

Leave a Reply

Your email address will not be published. Required fields are marked *

wordpress