रसुवागढी र तातोपानी नाकाबाट मालसामान आयात निर्यात शुरु गरिने


१३ चत, काठमाडौँ । स्वास्थ्य सम्बन्धी प्रोटोकल पालना गरी चीनको रसुवागढी र तातोपानी नाकाबाट सामान आयात निर्यात कार्य सुचारु गरिने भएको छ । आयात निर्यात सुचारु गर्न आवश्यक समन्वय गृह र अर्थ मन्त्रालयले गर्नेछ ।

सरकारले स्वास्थ्य तथा जनसंख्या मन्त्रालय र कृषि तथा पशुपन्छी विकास मन्त्रालयको स्वास्थ्य सम्बन्धी प्रोटोकल पालना गरी चीन तर्फका रसुवागढी र तातोपानी नाकाबाट मालसामान आयात निर्यात कार्य शुरु गर्ने भएको छ ।

उपप्रधानमन्त्री तथा रक्षामन्त्री ईश्वर पोखरेलको संयोजकत्वमा गठित कोभिड–१९ संक्रमण, रोकथाम तथा नियन्त्रण उच्चस्तरीय समन्वय समितिको आज बसेको बैठकले सो निर्णय गर्दै यस सम्बन्धी आवश्यक समन्वय गृह र अर्थ मन्त्रालयले गर्ने जनाएको छ ।

यसैगरी समितिले अति आवश्यक बैंकिङ सेवा गृह र अर्थ मन्त्रालयको समन्वयमा नाका सञ्चालन गर्ने, औषधि, खाद्यवस्तु, पानी, दूध, फलफूल, तरकारी, पशुपन्छी र माछाको दाना, कुखुराका चल्ला ढुवानी गर्ने र फर्केर जाने सवारी साधनलाई सुचारु गर्ने तथा यस्ता सवारी साधनले यात्रु ओसारपसार गर्न नपाउने निर्णय गरेको छ ।

विदेशी नागरिकलाई फर्काइने

बैठकले नेपालमा रहेका विदेशी नागरिकलाई आफ्नो मुलुक फर्काउने भएको छ । नेपालका विभिन्न स्थानमा रहेका विदेशीलाई हवाई उद्धार गरी त्रिभुवन अन्तर्राष्ट्रिय विमानस्थल ल्याएर सम्बन्धित मुलुक फर्काइने बैठकले निर्णय गरेको छ । विदेश फर्कीजान उडानको समय नमिलेको अवस्थामा सो अवधिभर विमानस्थल नजिकैको होटलहरुमा सेल्फ क्वारेन्टाइनमा राखिने जनाइएको छ ।

विदेशबाट फर्किएकाको अभिलेख राखिने बैठकले भारत एवं सेस्रो मुलुकबाट फर्किएका नेपालीको अभिलेख राख्न स्थानीय तहलाई निर्देशन दिएको छ । विदेशबाट फर्किएकाहरुको स्वास्थ्य सम्बन्धी अभिलेख दैनिक रुपमा राख्नुपर्ने र स्थानीय स्वास्थ्य संयोजकले कोभिड–१९ को लक्षण देखिएका व्यक्तिको विवरण प्रत्येक दिन प्रमुख जिल्ला अधिकारीलाई उपलब्ध गराउनुपने जनाइएको छ । प्राप्त विवरणलाई प्रमुख जिल्ला अधिकारीले राष्ट्रिय आपल्कालिन कार्य सञ्चालन केन्द्रमा पठाउनु पर्ने व्यवस्था गरिएको छ ।

सो केन्द्रले आपत्कालीन स्वास्थ्य कार्यसञ्चालन केन्द्रमा दैनिक रुपमा पठाउने व्यवस्था गरिने जनाइएको छ । यस्तै, प्रदेश र स्थानीय तहहरूले क्वारेन्टाइनको व्यवस्था गरी सञ्चालन गर्ने व्यवस्था मिलाउन समेत निर्देशन दिइएको छ । इन्डक्सनमा भन्सार छुट बैठकले इन्डक्सन चुल्हो प्रयोगमा उपभोक्तालाई प्रोत्साहित गर्न विद्युत महसुल र भन्सार महसुलमा छुट दिने निर्णय गरेको छ । कोभिड–१९ को सङ्क्रमणका कारण इन्धन आपूर्तिमा पर्नसक्ने असरबाट उपभोक्तालाई राहत दिन विद्युत महसुल र इन्डक्सनमा भन्सार महसुल छुट दिने व्यवस्था गर्न लागेको हो ।

Be the First to Advertise Us

Advertisement

Comments

comments

Leave a Reply

Your email address will not be published. Required fields are marked *