अमेरिकी राजदूतको स्पष्टीकरण : इन्डो–प्यासिफिकमा नेपाललाई तान्न खोजेका छैनौं

१७ असार, काठमाडौं । अमेरिकी राजदूत र्‍याण्डी बेरीले इन्डो–प्यासिफिक रणनीतिमा नेपाललाई सहभागी गराउन आफूहरुले प्रयास नगरेको दाबी गरेका छन् ।

नेपालका लागि अमेरिकी राजदूत बेरीले शुक्रबार सत्तारुढ नेपाल कम्युनिस्ट पार्टी (नेकपा)का वरिष्ठ नेता झलनाथ खनालसँग भेटेर आफ्नो मुलुकले अघि सारेको इन्डो–प्यासिफिक रणनीति अन्य देशमा सैन्य गतिविधि वा राजनीतिक गतिविधि अघि बढाउन नभएको समेत बताए । ‘‘इन्डो–प्यासिफिक रणनीति कुनै सैन्य संगठन होइन । यो कुनै राजनीतिक मोर्चा पनि होइन,’ अमेरिकी राजूदत बेरीसँग भनाइ उधृत गर्दै वरिष्ठ नेता खनालले भने, ‘हामी नेपाललाई यसमा ल्याउन वा तान्न प्रयत्न गरिरहेका छैनौं भन्नुभयो ।’

पूर्वप्रधानमन्त्री समेत रहेको खनालले भेट्न राजदूत बेरी डल्लुस्थित निवासमा पुगेका थिए ।

भेटमा खनालले भने नेपालले असंलग्नताको नीति लिएको स्मरण गर्दै त्यस्ता रणनीतिक साझेदारीहरुमा तटस्थताको भूमिका निर्वाह गर्ने बताएका छन् । राजदूत बेरीसँग दुई देशबीचको सम्बन्धबारे पनि कुराकानी भएको उनले जानकारी दिए ।

Be the First to Advertise Us


siddharthabank

Sano Pasal
———————————————–

———————————————–




Advertisement

Comments

comments

Leave a Reply

Your email address will not be published. Required fields are marked *