राजतन्त्र फाले पनि राजतन्त्रात्मक प्रवृत्ति फाल्न सकिएनः प्रदीप पौडेल

काठमाडौं– नेपाली काँग्रेसका युवा नेता प्रदीप पौडेलले मुलुकबाट राजा फालिए पनि राजतन्त्रात्मक प्रवृत्ति फाल्न नसकिएको बताएका छन् । ‘नाइन सेभेन सेभेन भेन्चर्स’ ले शुक्रबारबाट भृकुटी मण्डपमा सुरु गरेको ‘नेपाल एजुकेसनल फेस्टिभल’ को उद्घाटन गर्दै नेता पौडेलले मुलुकमा अहिले पनि राजतन्त्रात्मक प्रवृत्ति यथावत् रहेको बताएका हुन् । 

मुलुकले नयाँ संविधान प्राप्त गरे पनि नयाँ प्रवृत्तिको राजनीति प्राप्त गर्न नसकेको उनको भनाइ थियो । ‘मुलुकले नयाँ संविधान प्राप्त गर्यो, तर नयाँ प्रवृत्तिको राजनीति प्राप्त गर्न सकेको छैन । हामीले राजा फाल्यौं तर राजतन्त्रात्मक प्रवृत्तिलाई फाल्न सकेका छैनौं,’ नेता पौडेलले भने, ‘हामीले मुलुकको सही गन्तव्य अहिले पनि पहिल्याउन सकेका छैनौं । मुलुकको प्राथमिकता हामीले अहिले पनि छुट्याउन सकिरहेका छैनौं ।’  

उनले समृद्धिको शब्द वाचन गरेर मुलुकले समृद्धि प्राप्त गर्न नसक्ने भन्दै समृृृद्धिका लागि विशेष योजना ल्याउन आवश्यक रहेकोमा जोड दिए । राजनीतिले समाजको वास्तविक विषयहरुलाई उठाउन नसकेका कारण समाज एकातिर र राजनीति अर्कोतिर गइरहेको पौडेलले बताए । 

उनले कुनै पनि दलको नाम नलिएरै अब राजनीतिमा नयाँ नेतृत्व आवश्यक रहेकोमा जोड दिए । नयाँ, निरन्तरता नभएको तर विषयहरु धेरै भएको, समाजलाई बुझेको, समस्यामात्रै उठाउन सक्ने नभएर समाधान दिनसक्ने नेतृत्व नेपाली राजनीतिलाई आवश्यक परको नेता पौडेलको भनाइ थियो । 

‘राजनीतिले समाजको वास्तविक विषयहरुलाई उठाउन सकेको छैन् । समाज एकातिर राजनीति अर्कोतिर छ । राजनीतिमा त्यसकारण पनि नयाँ नेतृत्व आवश्यक छ,’ पौडेलले भने, ‘देशलाई चाहिएको कुरा जसले गर्न सक्छ त्यो नेतृत्वमा आउन सक्छ । लामो समय निरन्तरता दिएको, जेलनेल बसेको, पार्टीमा धेरै अगाडिदेखि लागेको मान्छेले मात्रै नेतृत्व लिन सक्न भन्ने कुरा अब विस्तारै गलत हुँदै गइरहेको छ ।’ 

नेपालको राजनीतिलाई चाहिएको नेतृत्व युवा माझबाट आउनुपर्ने उनको आशय थियो । मुलुकले युवा समुदायबाट राजनीतिक नेतृत्व खोजिरहेकाले युवाले राजनीति प्रति चासो राख्नुपर्ने उनको भनाइ थियो । 
‘हामीलाई चाहिएको नेतृत्व युवाबाट आउन जरुरी छ । त्यसकारण युवा समुदायले राजनीति प्रति चासो राख्न आवश्यक छ । युवा समुदाय हिजोभन्दा धेरै योग्य छ । हिजो यही उमेरका मान्छेहरु यति योग्य हुनुहुन्थेन, पौडेलले भने । 

नेपालमा शिक्षाको विकास भएका कारण र नेपालमै गुणनस्तरीय शिक्षा प्राप्त गर्ने अवसर भएका कारण युवा जनशक्ति हिजोभन्दा चेतनशील, सचेत र योग्य स्थितिमा रहेको उनको भनाइ थियो ।

Source:ratopati news

Be the First to Advertise Us


siddharthabank

Sano Pasal
———————————————–

———————————————–




Advertisement

Comments

comments

Leave a Reply

Your email address will not be published. Required fields are marked *